२ कोरीन्‍थुपा 7:2 - ॱलोवा

² खेक्‍याई सेम नाङदु हेक्‍याला घोक्‍जा तेर। हीकी सुला ॱनो़ ॱमाक्‍या। धेनी हीकी सुला ॱमाली़ धेनी हीकी सुला ॱहाम्‍बा माझ्‍ये।

२ कोरीन्‍थुपा 7:2 Iomraidhean Croise

मेथा 10:14

धेनी खेक्‍याला खेमेलेन्‍गीन धाङ खीकी काक्‍याला मेङेन्‍गीनक्‍याला होदेगी खाङबा याङमेना ग्‍याजाने थो़न्‍दी घाङला, खेरी काङबाने थाला ॱरुक।

मेथा 10:40

“खेक्‍याला खेलेन झ्‍यीगीनक्‍याई, ङाला खेलेन झ्‍यीदालाक धेनी ङाला खेलेन झ्‍यीगीनक्‍याई, ङाला झाङगीनगोला खेलेन झ्‍यीदालाक।

लुका 10:8

“खेक्‍या ग्‍याजा च्‍यीकला जुरी, होदेगी मीक्‍याई खेक्‍याला ॱनेचाङ ॱयारना खीकी दोङदु घी श्‍याक्‍कीनगो शो।

जेपा 20:33

ङी मी सी़याः सेर धाङ ॱङु धाङ घोलाकगी दो़पा माझ्‍ये।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 11:16

ङा याङदा ॱनाहीन, सी़या ङाला ॱलेन्‍दा ॱमाचीलास्‍योक। हीना खेक्‍याई ङाला हुरे सामी हो़ना, ङाः च्‍यीमे ङोम्‍सो झ्‍यीयेला, ङाला ॱलेन्‍दाराङ चीरी खेलेन झ्‍यी।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

फीलीप्‍पीपा 2:29

होझ्‍येरी चोवोगी नाङदु घाटोगी थोक्‍ने, खोला फेप्‍सु श्‍यी़ धेनी खो च्‍योक्‍रे मीक्‍याला चीकुर झ्‍यी।

कोलोसेपा 4:10

चो़न्‍खाङ नाङदु ङी रोवा आरीस्‍तारकु धाङ बारनाबागी छाउ मारकुगीयाः, खेक्‍याला छाम्‍डी श्‍यी़क। (मारकुगी कोरला ङी खेक्‍याला एन्‍दुरु स्‍येसाहो़क। धेनी खो खीकीचारु हुङना खोला नाङला सी़।)

१ थेसालोनीकेपा 2:10

खे धेपा झ्‍यीगीनक्‍याई खोक्‍दु हीकी चो़पा धाम्‍पा धाङ ढाङपो धाङ क्‍यो़न मेगीनगी पाङपोगो, खेक्‍याराङ धाङ को़न्‍क्षोक हीन।

फीलेमोन 1:12

ङी ॱङीङगी चेवे खोला ख्‍यी़चारु ॱलोक्‍ती ताङाहीन।

फीलेमोन 1:17

होझ्‍येरी खीकी ङाला राङगी लेरोक चीली हो़ना, खोला ङाला च्‍योक्‍रे खेलेन झ्‍यी।

२ योहान्‍ना 1:10

खीकीचारु होरी दे सुङगीन क्षो़ दे खेरती मेयोङगीन सुलाः, खीकी खाङबा नाङदु ॱमासी़ याङना छाम्‍डी माश्‍यी़।