२ कोरीन्‍थुपा 7:1 - ॱलोवा

¹ चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

२ कोरीन्‍थुपा 7:1 Iomraidhean Croise

मेथा 12:33

“ढेबुने स्‍यीङदोङ स्‍येगीन झ्‍येरी, स्‍यीङदोङ शाङा शोना ढेबु घा केगीलाक धेनी स्‍यीङदोङ आ शोना ढेबु आ केगीलाक।

मेथा 5:48

होझ्‍येरी नाम्‍खे श्‍यीङखामदु श्‍युक्‍कीन, ख्‍यी़ याप फी़न्‍सुम छोक्‍पा हो़गीन च्‍योक्‍रे, ख्‍यो़याः फी़न्‍सुम छोक्‍पा झ्‍युङघोगुलाक।”

मेथा 5:8

सेम दाक्‍पा हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई को़न्‍क्षोकला ज्‍यागीलाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

१ कोरीन्‍थुपा 6:20

घीझ्‍येरी ॱनाना खेक्‍याला रीङ तेरती ङ्यो़ जेपालाक। होझ्‍येरी खीकी ली़गी थोक्‍ने, को़न्‍क्षोकला कुरती झ्‍यी।

२ कोरीन्‍थुपा 1:20

घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 4:7

को़न्‍क्षोकगी होराङला ॱमेचाङा ग्‍युरतु माभो़वा, धाम्‍पा ग्‍युरतु भो़ जेपालाक।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

ईब्‍रीपा 12:23

नाम्‍खे श्‍यीङखामदु मीङ ढीक्‍टा एन्‍ला केक्‍या क्‍याई छोक्‍दुरु, खेक्‍या हो हो़तालाक। धेनी खेक्‍या मी घीरीगी ठीम्‍पो़न हीन्‍गीन को़न्‍क्षोक चारु धेनी फी़न्‍सुम छोक्‍पा जेजा, ढाङतेनगी मीक्‍याई सेम्‍ङीगी घुङदु,

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

ईब्‍रीपा 4:1

होझ्‍येरी को़न्‍क्षोकगी ङासु नाङ जुयेगी धाम्‍चागो हो़ती हो़तीयाः, खेक्‍याने सुवाः होदे ङासु नाङ जु ॱमीथुक्‍कीन मीझ्‍युङयेला, होराङक्‍या शाप-शाप झ्‍यीघो़।

ईब्‍रीपा 6:9

चेवेक्‍याओ, हेक्‍याई देरे लाब ताङनाः, खेक्‍याला थारपाला थी़न्‍गीन दो़न शाङाक्‍या थोप हो़तालाक ॱनेरी, हेक्‍याला यीच्‍चे तेन्‍पो हो़क।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।

१ पेटो 1:15

हीना खेक्‍याला भो़ ॱनाङगीनगो धाम्‍पा हीन्‍गीन च्‍योक्‍रे, खेक्‍या राङगी चो़लाम घीरीला धाम्‍पा झ्‍युङ,

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।