२ कोरीन्‍थुपा 6:9 - ॱलोवा

⁹ हेक्‍याला केटाक मेगीन चीनाः, हेक्‍या केटाक्‍क्षे हो़क। धेनी हेक्‍या छीवे खारु ॱलेप हो़नाः, हेक्‍या सो़न्‍पोराङ हो़क। धेनी ङेपा फोक हो़नाः, ॱरोक ॱमास्‍योरहो़क।

२ कोरीन्‍थुपा 6:9 Iomraidhean Croise

जेपा 17:18

ईपीकुर धाङ स्‍तोयीकोसगी मी खेवाक्‍याने, रीङगागीयाः पाउलुमुला चो़लीङ झ्‍येवालाक। होदेक्‍याने रीङगागी, “दे खा दीक्‍कीन मी दे घी ॱनाले?” ॱनेरी ॱनेवालाक धेनी रीङगागी, “दे मी धेनी क्षीग्‍यागी ल्‍हाक्‍याई कोरला स्‍येली।” ॱनेरी ॱनेवालाक घीझ्‍येरी ॱनाना पाउलुगी येशु धाङ खोङबा छीवाने याङ सो़न्‍पो झ्‍युङगीनगी कोरला ताम्‍शाङ स्‍येपालाक।

जेपा 19:26

हीना दे पाउलुगी घी ॱनागीनगो, खेक्‍याई थोङालाक धेनी घोर हो़तालाक। मीगी शो़सा ल्‍हागो ल्‍हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्‍ती गोवा कोरसादुक।

जेपा 25:19

हीना खुङक्‍याई क्षो़ धाङ ढोसागीन येशु ॱनागीन मी च्‍यीकगी कोरला च्‍यीगा, खुङक्‍याई पाउलुमुला ठुक स्‍योरदुक। पाउलुगो ढोढा येशु सो़न्‍पो दुक ॱनेरी था पी़दी धेदुक।

जेपा 25:26

हीना खी़ कोरला ढीक्‍ती ग्‍यावुला कुरये, ङाला घीया मेक। होझ्‍येरी ङी खोला खेराङक्‍या दोङदु धाङ ॱङोन्‍ने झ्‍यीना ग्‍यावु आगारीपा खेराङगी दोङदु ठीक्‍ती हुङये थेवी। धेनी खेराङगी खोला ढीवा कु झ्‍यीना, ङाला ढीक्‍येगी छीक रे राई हेटु ॱनेरी ङाला रेवा हो़क।

रोमापा 8:36

दी कोरला सुङरापला देरे ढीक हो़तालाक, “खेराङगी क्षीदु हेक्‍या श्‍याक्‍मो ढाङी, स्‍यीयेगी ङेन्‍काला हो़तालाक। हेक्‍याला स्‍याक्‍ये हीन्‍गीन लुकक्‍या च्‍योक्‍रे चीलालाक।”

१ कोरीन्‍थुपा 11:32

हीना चोवोगी होराङला ठीम्‍चो़ जेदी घाङला, होराङ जीक्‍तेम्‍पाक्‍यामुला थामेपे छेपा ॱमेफोक्‍येगी क्षीदु, खोङगी होराङला ढीक्‍ठीमला श्‍या जेदालाक।

१ कोरीन्‍थुपा 15:31

पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।

१ कोरीन्‍थुपा 4:9

घीझ्‍येरी ॱनाना हे कुछापक्‍या नी, सेयेगी ठीम्‍चो़ फोक्‍पाक्‍या च्‍योक्‍रे धाङ घीरीने श्‍युक्‍योकला को़न्‍क्षोकगी श्‍या जेजा च्‍योक्‍रे दुक ॱनेरी, ङी साम्‍लो हो़क। घीझ्‍येरी ॱनाना हेक्‍या नी, जीक्‍तेन धाङ नाम्‍खे भाङछेनक्‍या धाङ मीक्‍याई क्षीदु तेमो च्‍योक्‍रे झ्‍युदुक।

२ कोरीन्‍थुपा 11:6

ङा लाब ताङयेला खेवा मेना, ङाला स्‍येयो़न ॱमेछाङगीन मेक। धेनी दे दो़न घीरीला हीकी खेक्‍याला सावो तो़न्‍होक।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

२ कोरीन्‍थुपा 5:11

चोवोला कुरती झ्‍यीयेगो हेक्‍याई स्‍येगीन झ्‍येरी, हेक्‍या मी श्‍येम्‍माक्‍याला च्‍याक ग्‍यावीहो़क। हेक्‍या घारे हो़गीनगो को़न्‍क्षोकगी खेन्‍दा जेदालाक धेनी खेक्‍याई सेम्‍बा नाङदुवाः, हेक्‍याला ङोस्‍येगीनगो हेक्‍या दो़दीहो़क।