२ कोरीन्‍थुपा 6:6 - ॱलोवा

⁶ धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

२ कोरीन्‍थुपा 6:6 Iomraidhean Croise

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

१ कोरीन्‍थुपा 12:8

होझ्‍येरी धाम्‍पे थुक्‍ङीगी गोने रीङगाला स्‍येरापगी ताम स्‍येये धेनी रीङगाला दे थुक्‍ङीगी गोनेराङ स्‍येयो़नगी ताम स्‍येये,

१ कोरीन्‍थुपा 13:4

झाम्‍पा नी शो़पाचेन धाङ ॱङीङजेचेन हुङालाक। झाम्‍पागी ठादोक मीझ्‍यीदालाक धेनी राङतो़ मीझ्‍यीदालाक धेनी दे ङागेल क्षे मेयोङालाक।

१ कोरीन्‍थुपा 2:16

घीझ्‍येरी ॱनाना “चोवोगी थुकोङ सी़ स्‍येलाले? खोङला सी़ ॱलापच्‍या ग्‍याप थुप्‍कीले?” हीना हीकीमुला मास्‍यीकागी थुक हो़तालाक।

१ कोरीन्‍थुपा 2:4

खेक्‍याई धेपा मीगी स्‍येरापला मेन्‍दा हीना को़न्‍क्षोकगी नी़थुला तेन्‍येगी क्षीदु, ङी स्‍येगीन तामक्‍या धाङ क्षो़क्‍या, ताम खेवा धाङ स्‍येरापगी थोक्‍ने मेन्‍दा, धाम्‍पे थुक्‍ङी धाङ नी़थुगी गोने झ्‍युवालाक।

२ कोरीन्‍थुपा 1:23

खेक्‍याला घाक्‍वा मीझ्‍युङयेगी क्षीदु, ङा कोरीन्‍थुरु मायो धेनी दे लाब दे ङा को़न्‍क्षोकला पाङपो चुक्‍ती ॱनाहीन।

२ कोरीन्‍थुपा 11:11

ङी देरे घीझ्‍येरी झ्‍यीदाले? ङी खेक्‍याला चेवा मेगीन झ्‍येरी लाक से? ङी खेक्‍याला चेवा हो़गीनगो को़न्‍क्षोक खेन्‍दालाक।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

२ कोरीन्‍थुपा 11:6

ङा लाब ताङयेला खेवा मेना, ङाला स्‍येयो़न ॱमेछाङगीन मेक। धेनी दे दो़न घीरीला हीकी खेक्‍याला सावो तो़न्‍होक।

२ कोरीन्‍थुपा 12:15

धेनी ङा खेक्‍याई क्षीदु घाटोगी गोने ङाला हो़गीन घीरी धाङ ङा राङ-राङला पुयेहीन। ङी खेक्‍याला चेवा माङा झ्‍यीना, ङाला चेवा ङ्युङा थोप्‍कुलाक से?

२ कोरीन्‍थुपा 13:10

चोवोगी ङाला ॱनाङना आङजा दे, ङा खीकीचारु हुङाराङ चुक्‍वा झ्‍येरी भेचो़ झ्‍यी मेघोयेगी क्षीला, ङा खेक्‍या घुङदु मेताराङ, दे लाबक्‍या ढीयाहीन। आङ दे नी खेक्‍याला तोरयेला मेन्‍दा, खेक्‍याला यारके ताङयेगी क्षीदु ङाला ॱनावालाक।

२ कोरीन्‍थुपा 2:10

खेक्‍याई सुला घोयाङ तेरी, ङाः होदेला घोयाङ तेराहीन। धेनी लाब घारे च्‍यीक हीन्‍ना, ङी घोयाङ तेर हो़ना, होदे ङी खेक्‍याई क्षीदुराङ मास्‍यीकागी डुङदु घोयाङ तेरपी।

२ कोरीन्‍थुपा 2:4

ङी सेम ॱमीच्‍यीकी क्‍योरी दुङा झ्‍येरी क्षीमाक तारी, ङी खेक्‍याला होदे यीक दे ढीक्‍पाहीन। धेनी दे नी, खेक्‍याई सेम क्‍योरु च्‍युक्‍येगी क्षीदु मेन्‍दा, हीना ङी खेक्‍याला ॱमीच्‍यीकी चेवा झ्‍यीगीनगो, खेक्‍याई ॱहाघोरयेगी क्षीदु ढीक्‍पाहीन।

२ कोरीन्‍थुपा 3:3

धेनी खेक्‍या नी हीकी श्‍याप्‍ची श्‍युगीनगी ढेबु हीन्‍गीन, मास्‍यीकागी ढीया जेजा यीक लाक। दे यीक नी, ॱनाक्‍चागी ढीक्‍टा मालाक हीना कुसो़न्‍पो श्‍युक्‍कीन को़न्‍क्षोकगी थुक्‍ङीने ढीक्‍टालाक। धेनी धोलेप खाला ढीक्‍टा मेन्‍दा, मीगी सेम नाङदु ढीक्‍टा यीक लाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

२ कोरीन्‍थुपा 7:2

खेक्‍याई सेम नाङदु हेक्‍याला घोक्‍जा तेर। हीकी सुला ॱनो़ ॱमाक्‍या। धेनी हीकी सुला ॱमाली़ धेनी हीकी सुला ॱहाम्‍बा माझ्‍ये।

गालातीयापा 3:2

ङा खेक्‍याला लाब दे च्‍यीगा ढीलाहीन, खेक्‍याला क्षो़ठीमगी लेगाने धाम्‍पे थुक्‍ङी थोप्‍जो याङमेना ताम्‍शाङ घोरती धेपा झ्‍येरी थोप्‍जो?

गालातीयापा 3:5

खेक्‍याला धाम्‍पे थुक्‍ङी ॱनारी, खेक्‍या खोक्‍दु ॱहाङसागीन लेगाक्‍या जेगीन को़न्‍क्षोकगी, दे लेगा घीरी खीकी क्षो़ठीमगी लेगा गोने ले याङमेना ताम्‍शाङ ङेन्‍दी, धेपा झ्‍येरी ले?

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 3:4

खेक्‍याई दे ॱलोक्‍यी घाङला, मास्‍यीकागी साङवागी कोरला ङी स्‍येयो़न घारे हो़गीनगो, खेक्‍याई ॱहाघोर थुप्‍कीलाक।

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

एफीसुपा 4:32

को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

कोलोसेपा 2:3

मास्‍यीकागी नाङ, स्‍येराप धाङ रीक्‍पागी तेर घीरी बे हो़तालाक।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

१ थेसालोनीकेपा 2:10

खे धेपा झ्‍यीगीनक्‍याई खोक्‍दु हीकी चो़पा धाम्‍पा धाङ ढाङपो धाङ क्‍यो़न मेगीनगी पाङपोगो, खेक्‍याराङ धाङ को़न्‍क्षोक हीन।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

१ तीमोथेउ 5:2

धाङ घेमोक्‍याला आमाक्‍या च्‍योक्‍रे धेनी नाच्‍युङमाक्‍याला नुमोक्‍या च्‍योक्‍रे, सेम चाङमागी गोने चो़पा झ्‍यी।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ योहान्‍ना 3:18

चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।