२ कोरीन्‍थुपा 6:5 - ॱलोवा

⁵ धेनी दुङदाक फोक्‍वाराङ धेनी चो़न नाङदु छी़दाराङ धेनी शीङटा लाङाराङ धाङ काल्‍ले ग्‍याराङ धेनी ॱङी मेताराङ धेनी फोवा तोक्‍वाराङ,

२ कोरीन्‍थुपा 6:5 Iomraidhean Croise

मेथा 14:10

खी़ मी तारी, चो़न्‍खाङदु योहान्‍नागी गो चेदु च्‍युक्‍पालाक।

मेथा 14:3

धा हेरोदेगी खोरी नो फीलीपगी केमी हेरोदीयासगी क्षीला, योहान्‍नाला शीम्‍बालाक धेनी कीक्‍ती चो़न्‍खाङला धाक्‍पालाक।

मेथा 9:15

धेनी येशुगी सुवालाक, “माक्‍पा धाङ माक्‍पे रोवाक्‍यामुला हो़ती घाङला, खुङक्‍या दुक ॱरुङाले? हीना माक्‍पा खुङक्‍याने ठीक्‍ती डुगीन ङीमागो ॱलेप्‍कीलाक, धेनी होदे घाङला खुङक्‍या ॱङ्युङने ॱरुङगीलाक।

जेपा 13:3

होझ्‍येरी खुङक्‍याई ॱङ्युङने धाङ ॱमो़लामगो डुप्‍सारती, खुङ ॱङीउ खाला लाक्‍पा श्‍याक्‍ती वाङ ॱनावालाक धेनी खुङक्‍याला झावालाक।

जेपा 14:19

होदे स्‍याम्‍ने आन्‍तीयोक धाङ ईकोनीयोन ग्‍याजाने, याहुदापा रीङगा होदुरु होवालाक धेनी खुङक्‍याई मीछोकगी घुङदु लाब शो़वालाक। खुङक्‍याई पाउलुला धोगोङगी श्‍युरपालाक धेनी खो स्‍यीवालाक साम्‍दी ढी़दी सोरी ग्‍याजा फीला तो़न्‍बालाक।

जेपा 14:23

खुङक्‍याई क्षो़छोक घीरीला गोठीक्‍या को़वालाक धेनी ॱङ्युङनेला श्‍युक्‍ती सोवा ग्‍याप्‍ती, होदे ङेनेक्‍याला, खोरी धेपा झ्‍येजा चोवोगी क्षाकला पुवालाक।

जेपा 17:5

हीना याहुदापा रीङगा ठादोक लारी ॱराङगाकगी मी ङेन्‍पाक्‍या ठीक्‍ती, ग्‍याजारु टुक्‍कीन लेगा झ्‍येवालाक। धेनी पाउलु धाङ सीलवानुला मीक्‍या दोङदु ठीक्‍ती हुङयेला, खुङक्‍या यासोनगी नाङला रुब्‍ती चारु सोवालाक।

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

जेपा 23:10

खुङक्‍याई धुगा ॱमीच्‍यीकी क्षेरु सोवालाक। धेनी होदुरु पाउलुला दुबु-दुबुला तारी सेगीलाक ॱनेरी, जीक्‍ती ॱमाक्‍पो़नगी खोला होदेने ठीक्‍ती, ॱमाक्‍खाङदु ठीक्‍ती डोयेला ॱमाक्‍मीक्‍याला का ॱनावालाक।

जेपा 23:35

धेनी पो़न्‍पोगी ॱनेवालाक, “ख्‍यो़ला क्‍यो़न चुक्‍कीनक्‍या दुरु ॱलेप्‍ना धेनी ङा ख्‍यी़ खाम्‍जु तायेहीन।” होदे स्‍याम्‍ने पो़न्‍पोगी पाउलुला हेरोदेगी फोडाङदु, खोला ॱरुङगीन श्‍याक्‍ती श्‍योक ॱनेरी का ॱनावालाक।

जेपा 24:27

लो ङी छासारती फेलीकगी छापला पोरकीहु फेस्‍तु होवालाक। धेनी फेलीकगी याहुदापाक्‍याला ङ्यामो घारु च्‍युक्‍येला, पाउलुला चो़न्‍खाङ नाङदुराङ श्‍याक्‍पालाक।

जेपा 26:10

धेनी ङी येरुसालेमला देरे झ्‍यीये झ्‍येवी। ङी क्षो़पो़न क्षेक्‍याई आङजा जोरती, धाम्‍पे मी ॱमीच्‍यीकी माङाला चो़न्‍खाङदु दाक्‍पी धेनी होदेक्‍याला सेये झ्‍यीदाराङ, ङीया ङोलेन झ्‍येवी।

जेपा 26:29

पाउलुगी ॱनेवालाक, “ग्‍योवा हीन्‍ना धाला हीन्‍ना, दे च्‍याकक्‍या च्‍यीगा माना, श्‍येम्‍मा खेराङ धाङ धीरीङ दुरु ङाला ङेन्‍गीन घीरी ङा च्‍योक्‍रे हुङवास्‍योक ॱनेरी, ङा को़न्‍क्षोकला ॱमो़लाम ग्‍यावाहीन।”

जेपा 28:30

लो ॱङी थुक्‍पे पाउलु रोमदु खाङबा ॱयारती धेदी, सु थुक्‍तु हुङना घीरीला फेप्‍सु झ्‍येरी धेपालाक।

जेपा 5:18

धेनी खुङक्‍याला शीम्‍दी आटाला धाक्‍पालाक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 4:11

दे धी़ थुक्‍पे हेक्‍या फोवा तोक्‍ता धाङ खा कोम्‍गा धेनी घोलाक ॱरुल्‍दुक्‍पा घो़न्‍गा धाङ श्‍येम्‍मागी धुता धाङ राङ खाङबा मेगीन झ्‍युहो़क।

१ कोरीन्‍थुपा 7:5

ॱमो़लामगी क्षीदु धी़चो़ क्‍यायेला धी़ तीते धाङ च्‍यीकगी च्‍यीकला ढो़ झ्‍येरी माना, ख्‍योवा केमी ॱङीगारागी मुला क्षाम्‍येला च्‍यीकगी च्‍यीकला ॱमाकाक। धेनी खेक्‍याराङ छो़ शीम्‍येला क्‍योवा झ्‍युरी, धी़ सातानगी खेक्‍याला ॱली़रु ॱमीच्‍युक्‍येगी क्षीला, याङ मुला क्षाम्‍घो़।

२ कोरीन्‍थुपा 11:27

धेनी ङी काल्‍ले धाङ दुक्‍पु ङ्यावी धेनी थेङ माङा ॱङी मेता धेवी, धेनी ङा तोक्‍ती धाङ कोम्‍दी थेङ माङा शाये मेताला लेजुङ। धेनी ङा ढाङमो धाङ घोलाक घो़न्‍ये मेता लेजुङ।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

फीलीप्‍पीपा 1:13

दी दोक्‍पो नी, फोडाङगी ॱरुङमाकक्‍या धाङ श्‍येम्‍मा घीरीला ङा मास्‍यीकागी दो़नला, चो़न्‍खाङदु छी़गीनगो सावो झ्‍युदुक।

१ थेसालोनीकेपा 2:9

पी़न्‍दाक्‍याओ, खेक्‍याला को़न्‍क्षोकगी ताम्‍शाङ स्‍येदी घाङला, सुलाः घाक्‍वा माझ्‍युवास्‍योक ॱनेरी, हीकी ङीन-छेन लेगा झ्‍येवी धेनी हीकी काल्‍ले धाङ दुक्‍पु खेक्‍याला स्‍येये हो़तालाक।

१ तीमोथेउ 4:10

दो़न देगी क्षीला होराङक्‍या दुक्‍पु ङ्यारी काल्‍ले ग्‍यालाक। घीझ्‍येरी ॱनाना होरी रेवा सो़न्‍पो को़न्‍क्षोकला ॱनेलालाक। खोङबा नी, मी घीरी धाङ ॱमीक्‍सेदु धेपा झ्‍यीगीनक्‍याई क्‍याम्‍गो़न लाक।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

ईब्‍रीपा 11:36

धेनी श्‍येम्‍माक्‍याला क्षाले ताङये धाङ ताच्‍याकगी दुङदाक फोक्‍पालाक धेनी रीङगाला च्‍याक्‍डोक ग्‍युवालाक धेनी रीङगाला चो़नला चुक्‍पालाक।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

ईब्‍रीपा 13:23

होरी पी़न तीमोथेउ चो़न्‍खाङने थो़न्‍गीनगो, खेक्‍याई ॱहाघोकीनगो ङा दो़दीहो़क। धेनी खो ग्‍योक्‍वा ॱलेप्‍ना, ङा खी़मुला खेक्‍याला थुक्‍तु हुङाहीन।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।