२ कोरीन्‍थुपा 6:4 - ॱलोवा

⁴ हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

२ कोरीन्‍थुपा 6:4 Iomraidhean Croise

लुका 21:19

धेनी खीकी शो़पागी झ्‍येरी खेरी मीछे क्‍योप्‍कीलाक।”

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

जेपा 20:34

ङी ङारी राङगी लाक्‍पागी काल्‍ले ग्‍याप्‍ती, ङा धाङ ङारी रोवाक्‍याला घो़गीन घीरी चागीन लाब दे खेराङक्‍यालाः क्षा हो़तालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

रोमापा 14:18

धेनी दी गोने मास्‍यीकाला श्‍याप्‍ची श्‍युगीनगोला, को़न्‍क्षोकगी थुक्‍ङेउ चीगीलाक धेनी मीक्‍याः घागीलाक।

रोमापा 16:10

धेनी मास्‍यीकागी नाङ शाङपो चीचा, आपेलेला छाम्‍डी श्‍यी़। धेनी आरीस्‍तोबुलोगी नाङमीक्‍याला छाम्‍डी श्‍यी़।

रोमापा 3:5

हीना होरी मेढाङा झ्‍यीगीन लेगाक्‍याई, को़न्‍क्षोकगी ढाङतेन सावो तो़न्‍ना, होराङ घी ॱनाये? को़न्‍क्षोकगी होरी खाला थुक्‍ठो़ जेगीनगोला, खोङ मेढाङा दुक ॱनेरी ॱनाये? (ङा मीगी क्षा श्‍याक्‍ती ॱनाहीन।)

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

१ कोरीन्‍थुपा 3:5

धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

१ कोरीन्‍थुपा 4:1

मीक्‍याई हेक्‍याला मास्‍यीकागी श्‍याप्‍चीपा धाङ को़न्‍क्षोकगी साङवे दो़नक्‍याई, ॱङेरपा च्‍योक्‍रे चीघो़।

१ कोरीन्‍थुपा 9:11

हेक्‍याई खीकी खोक्‍दु सेम्‍ङीगी साङा ताप हो़ना, खीकी जीक्‍तेनगी हुङघुङने हीकी लोदोक धी़ ॱमेक्षोक्‍वाले?

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 11:27

धेनी ङी काल्‍ले धाङ दुक्‍पु ङ्यावी धेनी थेङ माङा ॱङी मेता धेवी, धेनी ङा तोक्‍ती धाङ कोम्‍दी थेङ माङा शाये मेताला लेजुङ। धेनी ङा ढाङमो धाङ घोलाक घो़न्‍ये मेता लेजुङ।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ कोरीन्‍थुपा 12:12

खेक्‍याई घुङदु कुछाप ॱङोन्‍नेगी ताकक्‍या, ङी शो़पा क्षे झ्‍येरी ताकक्‍या धाङ ॱहाङसागीनक्‍या धाङ नी़थुक्‍याई लेगाक्‍याई थोक्‍ने, तो़न्‍बालाक।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

२ कोरीन्‍थुपा 4:8

छोक घीरीने हेक्‍याला ॱनेम हो़तालाक हीना हेक्‍या ॱमाचीर हो़क। धेनी हेक्‍या थोम्‍दी धेहो़क हीना सेमस्‍युक छाक्‍ती माधेहो़क।

२ कोरीन्‍थुपा 7:11

तो़दाङ, को़न्‍क्षोकगी थुकोङला हो़गीन च्‍योक्‍रे, खेक्‍याई सेम क्‍योगीनगी खीकी नाङ घारे ग्‍युरवा झ्‍युदो। खेक्‍या राङला क्‍यो़न मेगीन तो़न्‍येला दो़पा क्षे धाङ श्‍येताङ धाङ जीक्‍नाङ धाङ सेमस्‍युक धाङ दो़नाङ धाङ लेङेनक्‍याला छेपा कायेला डाढीक दुक। खेक्‍याई राङला दो़न हो़लेला क्‍यो़न मेगीन तो़न्‍दुक।

कोलोसेपा 1:11

धेनी को़न्‍क्षोकगी शीजे धाङ धेन्‍पे नी़थुगी तोप घीरीने, शो़पा क्षे धाङ ॱना रीङा झ्‍युरी खेक्‍या स्‍युक्‍क्षे झ्‍युङयेगी क्षीला, हेक्‍या ॱमो़लाम ग्‍यावीहो़क। धेनी खेक्‍या घाटोगी खाङास्‍योक

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

१ थेसालोनीकेपा 3:7

होझ्‍येरी पी़न्‍दाक्‍याओ, खेक्‍याई धेपागी झ्‍येरी हीकी दुक्‍ङेल धाङ दुक्‍जोङ घाङला हेला सेम्‍सो जोरजुङ।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

१ तीमोथेउ 2:15

घीहीन्‍ना केमीक्‍या ॱङ्यामच्‍युङा झ्‍येरी, धेपा धाङ झाम्‍पा धाङ धाम्‍पाला ॱनेरी धेना, मो टु केली घाङला क्‍योप्‍कीलाक।

१ तीमोथेउ 4:6

ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 2:24

धेनी चोवोगी श्‍यीप्‍चीवा ठुक्‍चारा हुङये मेतालाक हीना घीरीला ॱङीङजे झ्‍यीगीन धाङ ॱलाप थुप्‍कीन धेनी शो़पा घोम थुप्‍कीन,

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।