२ कोरीन्‍थुपा 6:1 - ॱलोवा

¹ हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

२ कोरीन्‍थुपा 6:1 Iomraidhean Croise

मेथा 23:37

“के येरुसालेम, येरुसालेम, ख्‍यो़ ॱङो़नस्‍येखेनक्‍याला सेगीन, धाङ ख्‍यी़चारु ताङगीनक्‍याला धोगोङ श्‍युरकीन ख्‍यो़। झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङा ख्‍यी़ टुवाक्‍याला दुयेगी दो़पा झ्‍येवी हीना ख्‍यी़ झ्‍यीदु च्‍युक्‍की मीदुक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

१ कोरीन्‍थुपा 3:9

घीझ्‍येरी ॱनाना हेक्‍या नी, को़न्‍क्षोकगी लेरोकक्‍या हीन धेनी खेक्‍यागो को़न्‍क्षोकगी श्‍यीङ धाङ श्‍युक्‍खाङ लाक।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

गालातीयापा 2:21

को़न्‍क्षोकगी थुक्‍जेला, ङा ङोग्‍येल मीझ्‍यी घीझ्‍येरी ॱनाना क्षो़ठीमगी थोक्‍ने ढाङपो ग्‍युरये हीन्‍ना, मास्‍यीका दो़न मेताला ढोवालाक।

गालातीयापा 3:4

खेक्‍याई देरे दुक्‍पु माङा दो़न मेताला ङ्यावा ले? ॱङोन्‍ने होदे दो़न मेगीन माझ्‍युङ हो़टु।

१ थेसालोनीकेपा 3:5

ॱली़गीनगी खेक्‍याला गोवा कोरती, हीकी काल्‍लेगो दो़न्‍दाक मेगीन लाहुङ साम्‍दी, खेक्‍याई धेपागी कोरला स्‍येयेला घुक ॱमाथुक्‍पा, तीमोथेउला ङी झावी।

तीतोस 2:11

को़न्‍क्षोकगी थुक्‍जे, मी घीरीगी थारपागी दो़नला झ्‍युवालाक।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 4:1

होझ्‍येरी को़न्‍क्षोकगी ङासु नाङ जुयेगी धाम्‍चागो हो़ती हो़तीयाः, खेक्‍याने सुवाः होदे ङासु नाङ जु ॱमीथुक्‍कीन मीझ्‍युङयेला, होराङक्‍या शाप-शाप झ्‍यीघो़।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।