२ कोरीन्‍थुपा 5:9 - ॱलोवा

⁹ होझ्‍येरी हेक्‍या ली़ला हो़ना याङना खा ढाना, खोङबाला थुक घेरु च्‍युक्‍येगोराङ हीकी ॱमीक्‍यु लाक।

२ कोरीन्‍थुपा 5:9 Iomraidhean Croise

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

जेपा 10:35

मीरीक घारे हीन्‍नाः को़न्‍क्षोकला जीक्‍नाङ झ्‍येरी, चीगीन धाङ लेगा शाङा झ्‍यीगीनला को़न्‍क्षोकगी खेलेन जेगीलाक।

रोमापा 14:18

धेनी दी गोने मास्‍यीकाला श्‍याप्‍ची श्‍युगीनगोला, को़न्‍क्षोकगी थुक्‍ङेउ चीगीलाक धेनी मीक्‍याः घागीलाक।

रोमापा 14:8

धेनी होराङ छोवा क्‍याना, चोवोगी क्षीदु छोवा क्‍यालालाक धेनी स्‍यीये हीन्‍ना, चोवोगी क्षीदुराङ होराङ स्‍यीलालाक। होझ्‍येरी होराङ छोवा क्‍याना याङना स्‍यीना, होराङ चोवोगीराङ लाक।

रोमापा 15:20

धेनी मी श्‍येम्‍मागी तीङ सासा ॱमाङस्‍यीगी खाला, खाङबा ॱमीचीक्‍येगी क्षीदु ङी च्‍योई मास्‍यीकागी छेन ॱमेस्‍येगीन, साजाक्‍याला च्‍यीगा ताम्‍शाङ स्‍येयेगी दो़पा श्‍याक्‍पी।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

२ कोरीन्‍थुपा 5:6

होझ्‍येरी हेक्‍याला च्‍योई यीच्‍चे तेन्‍पो हो़क। धेनी दे ली़ नाङदु ॱनेगीन थुक्‍पे, होराङ चोवोने थाक्‍रीङा हो़तालाक ॱनेरी होराङला स्‍येये हो़तालाक।

२ कोरीन्‍थुपा 5:8

हेक्‍याला यीच्‍चे तेन्‍पो हो़क धेनी ली़ने खा डारी चोवोमुला ॱनेयेगो, हेक्‍या दो़दीहो़क।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

१ थेसालोनीकेपा 4:11

हेक्‍याई खेक्‍याला ॱलापच्‍या तेरकीन च्‍योक्‍रे, खेक्‍या श्‍येम्‍मागी दो़न्‍दाकला थेरु माग्‍युक्‍वा, राङगी मीछेगो जाबोमा क्‍यो धेनी राङगी लाक्‍पागीराङ काल्‍ले झ्‍यी।

१ तीमोथेउ 4:10

दो़न देगी क्षीला होराङक्‍या दुक्‍पु ङ्यारी काल्‍ले ग्‍यालाक। घीझ्‍येरी ॱनाना होरी रेवा सो़न्‍पो को़न्‍क्षोकला ॱनेलालाक। खोङबा नी, मी घीरी धाङ ॱमीक्‍सेदु धेपा झ्‍यीगीनक्‍याई क्‍याम्‍गो़न लाक।

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

ईब्‍रीपा 4:11

होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।