२ कोरीन्‍थुपा 5:7 - ॱलोवा

⁷ घीझ्‍येरी ॱनाना हेक्‍या थोङगीनला तेन्‍ती मेन्‍दा, धेपागी गोने मीछे क्‍यालालाक।

२ कोरीन्‍थुपा 5:7 Iomraidhean Croise

१ कोरीन्‍थुपा 13:12

धान्‍दा होराङ ॱमुक्‍पी तुम्‍दा मेलोङला तागीन च्‍योक्‍रे, सावो ॱमेथोङालाक हीना स्‍याम्‍ला ॱङो़सुमदु ज्‍यागीलाक। धान्‍दा ङाला तीते च्‍यीक स्‍येयेहो़क हीना स्‍याम्‍ला को़न्‍क्षोकगी ङी कोरला घीरी खेन्‍गीन च्‍योक्‍रे, ङीयाः घीरी स्‍येगीलाक।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

२ कोरीन्‍थुपा 4:18

होझ्‍येरी हेक्‍या थोङगीनक्‍याला मेन्‍दा, ॱमेथोङगीन दो़नक्‍याला तीहो़क, घीझ्‍येरी ॱनाना थोङगीनक्‍या नी, ॱनेकापगी क्षीदु लाक हीना ॱमेथोङगीनगो नी थामेपे क्षीदु लाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

ईब्‍रीपा 10:38

ङी ढाङतेनगी मीक्‍या धेपेगोने छोवा क्‍यागीलाक, धेनी ग्‍याप लोक्‍ती डोगीनक्‍यामुला ङा मेघा हो़क।”

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ पेटो 5:9

राङगी धेपाला तेन्‍पो झ्‍युरी, धी़कगी ङोलोक झ्‍यी घीझ्‍येरी ॱनाना जीक्‍तेन हो़लेरु खीकी पी़नक्‍यागीयाः देरे दुक्‍पु राङ ङ्याङी हो़तालाक।