२ कोरीन्‍थुपा 5:21 - ॱलोवा

²¹ घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

२ कोरीन्‍थुपा 5:21 Iomraidhean Croise

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

जेपा 3:14

खेक्‍याई धाम्‍पा धाङ ढाङपोगोला ग्‍याप ॱलोक्‍ती, खोङबागी छापला मी सेगीन च्‍यीकला ॱलो़ तोङ ॱनेरी श्‍युजुङ।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 5:19

घीझ्‍येरी ॱनाना मी च्‍यीकगी काला ॱमाचीगीन केनगी, मी माङा धीक्‍चेन झ्‍युजा च्‍योक्‍रे, मी च्‍यीकगी काला ङेन्‍गीनगी मी माङा ढाङपो चीगीलाक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।