२ कोरीन्‍थुपा 5:14 - ॱलोवा

¹⁴ घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

२ कोरीन्‍थुपा 5:14 Iomraidhean Croise

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 24:29

हीना खुङ ॱङीउगी येशुला उजुक झ्‍येरी श्‍यी़वालाक, “हीकीमुला श्‍युक्‍रो ॱनाङ घीझ्‍येरी ॱनाना ङीमा फेप्‍ती ॱरो रुक्‍कु झ्‍यीदी।” धेनी खोङबा खुङ ॱङीउमुला श्‍युक्‍येला नाङदु फेप्‍पालाक।

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

रोमापा 2:2

धा देरे लेगा झ्‍यीगीनक्‍याई खाला को़न्‍क्षोकगी ठीम चे जेगीनगो, धेन्‍पा दुक ॱनेरी होराङ स्‍येलालाक।

रोमापा 5:15

हीना आदामगी धीक्‍पा धाङ को़न्‍क्षोकगी ॱनाङज्‍यीन ॱङीउ मेडालालाक। घीझ्‍येरी ॱनाना मी च्‍यीकगी धीक्‍पागी झ्‍येरी मी माङा स्‍यी हो़ना, येशु मास्‍यीका च्‍यीकगी थुक्‍जेगी थोक्‍ने, को़न्‍क्षोकगी थुक्‍जे धाङ ॱनाङज्‍यीनगो देले ल्‍हाक मीक्‍याला थोप्‍पालाक।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

१ कोरीन्‍थुपा 16:22

चोवोला चेवा मीझ्‍यीगीनगोला, ॱमेमो फोक्‍वास्‍योक। मारानाथा। (हीकी चोवो, खेराङ फेप्‍रोनाङ।)

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

२ कोरीन्‍थुपा 3:7

धा धोलेप खाला को़का छीवाला कागीन क्षो़ठीमगो शीजेला फेप्‍ती, होदे शीजे दे येरी डुगीन हीन्‍ना, ॱमीच्‍यीकी ठाछाई झ्‍येरी, ईस्‍राएल्‍पाक्‍याई मोशेगी ङोरोङला तेरी धेक ॱमाथुक्‍पालाक।

२ कोरीन्‍थुपा 3:9

घीझ्‍येरी ॱनाना छेपा कागीन क्षो़ठीमगो शीजेक्षे हो़ना, ढाङतेन जेगीन ताम्‍शाङगो ॱयोल्‍ले माङा शीजेक्षे हुङघो़।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

कोलोसेपा 3:3

घीझ्‍येरी ॱनाना खेक्‍या स्‍यीवालाक धेनी खीकी छे नी, मास्‍यीकामुला को़न्‍क्षोकगी नाङ बे हो़तालाक।

१ तीमोथेउ 2:6

मी घीरीगी ली़रीनगी क्षीला राङला ॱलो़ ताङगीनगो लाक। दे नी, धी़ ताक-ताकला को़न्‍क्षोकगी ॱनाङगीन पाङपोगो लाक।

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।