२ कोरीन्‍थुपा 4:10 - ॱलोवा

¹⁰ धेनी येशुगी छेसोक हीकी ली़ला ॱङो़न्‍दास्‍योक ॱनेरी, हेक्‍या च्‍योई खोङबागी छीवागो हेरी ली़ला खेरती ग्‍युक्‍यीहो़क।

२ कोरीन्‍थुपा 4:10 Iomraidhean Croise

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

रोमापा 6:5

घीझ्‍येरी ॱनाना खोङगी छीवाला, होराङक्‍या खोङमुला च्‍यीक झ्‍युङहो़ना, खोङ कुसो़न्‍पो श्‍याङगीनगोलाः होराङ खोङमुला ॱङोन्‍ने च्‍यीक झ्‍युङगीलाक।

रोमापा 6:8

धा होराङ मास्‍यीकामुला स्‍यीवा हीन्‍ना, होराङ खोङमुला छोवाः क्‍यागीलाक ॱनेरी, होराङ यीच्‍चे झ्‍यीदालाक।

रोमापा 8:36

दी कोरला सुङरापला देरे ढीक हो़तालाक, “खेराङगी क्षीदु हेक्‍या श्‍याक्‍मो ढाङी, स्‍यीयेगी ङेन्‍काला हो़तालाक। हेक्‍याला स्‍याक्‍ये हीन्‍गीन लुकक्‍या च्‍योक्‍रे चीलालाक।”

२ कोरीन्‍थुपा 1:5

घीझ्‍येरी ॱनाना होराङ मास्‍यीकागी दुक्‍ङेलला घाजो़ माङा थेदुई, होदेरेराङ झ्‍येरी मास्‍यीकागी थोक्‍ने, को़न्‍क्षोकगी होराङला सेम्‍सो मेछो़ली ॱनाङगीलाक।

२ कोरीन्‍थुपा 1:9

हेक्‍याला सेयेगी क्षेपा फोक्‍कीन च्‍योक्‍रे छोरजुङ। हीना दे नी हेक्‍या राङला तेन्‍ये मेन्‍दा, स्‍यीम्‍पोला सो़न्‍पो जेगीन को़न्‍क्षोकला तेन्‍घोयेगी क्षीदु झ्‍युवालाक।

२ कोरीन्‍थुपा 13:4

घीझ्‍येरी ॱनाना खोङबा क्‍योवा हो़ताराङ ग्‍याङस्‍यीङला क्‍याङबालाक हीना को़न्‍क्षोकगी नी़थुगी थोक्‍ने, खोङबा सो़न्‍पालाक। देरेराङ झ्‍येरी हेक्‍या खोङबागी नाङ क्‍योवा हो़क हीना खीकीमुला ढेवा झ्‍यीयेला, हेक्‍या को़न्‍क्षोकगी नी़थुगी थोक्‍ने, हेक्‍या खोङबा मुलाराङ सो़न्‍पो ॱनेगीलाक।

२ कोरीन्‍थुपा 4:11

घीझ्‍येरी ॱनाना येशुगी छेसोक, होरी छीवाला डोये हीन्‍गीन ली़ला ॱङो़न्‍दास्‍योक ॱनेरी, होराङ सो़न्‍पो हो़गीनक्‍या च्‍योई येशुगी क्षीदु छीवे खाला छी़दालाक।

गालातीयापा 6:17

ङी शुला येशुगी ॱमागी ताकक्‍या हो़गीन झ्‍येरी, धा देने ॱहाला सी़या ङाला दुक्‍पु ॱमाताङास्‍योक।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

२ तीमोथेउ 2:11

दे ताम दे ॱलो खेलादुक, “होराङ खोङबामुला स्‍यी हो़ना, खोङबा मुलाराङ सो़न्‍गीलाक।

१ पेटो 4:13

हीना मास्‍यीका शीजेला ॱङो़न्‍दी घाङला, खेक्‍या ॱमीच्‍यीकी ङ्यामो घा धाङ घाटो केयेगी क्षीला, धान्‍दा खेक्‍या मास्‍यीकागी दुक्‍पुमुला खुरी घाङला ङ्यामो घा झ्‍यी।

१ पेटो 4:14

धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।

ॱङो़न्‍पा 1:17

ङी खोङबाला ज्‍याली घाङला, ङा खोङबागी श्‍याप डुङदु मी स्‍यीस्‍या च्‍योक्‍रे ग्‍येवी। हीना खोङबागी राङगी क्षाक ॱये, ङी खाला श्‍या जेदी सुवालाक, “ख्‍यो़ माजीक। ङा नी थोक्‍मा धाङ थामागो हीन।