२ कोरीन्‍थुपा 3:7 - ॱलोवा

⁷ धा धोलेप खाला को़का छीवाला कागीन क्षो़ठीमगो शीजेला फेप्‍ती, होदे शीजे दे येरी डुगीन हीन्‍ना, ॱमीच्‍यीकी ठाछाई झ्‍येरी, ईस्‍राएल्‍पाक्‍याई मोशेगी ङोरोङला तेरी धेक ॱमाथुक्‍पालाक।

२ कोरीन्‍थुपा 3:7 Iomraidhean Croise

जेपा 6:15

छोक्‍पारु जोम्‍जा मी घीरी सेतेफेनला श्‍यीप्‍ता झ्‍येरी, तेरी धे हो़तालाक। धेनी खुङक्‍याई खी़ ङोदोङगो, नाम्‍खे भाङछेनगी श्‍याल च्‍योक्‍रे हो़क ग्‍याप्‍कीन थोवालाक।

रोमापा 10:4

घीझ्‍येरी ॱनाना धेपा झ्‍यीगीन घीरी को़न्‍क्षोकगी डुङदु ढाङपो चीयेगी क्षीला, मास्‍यीकागी क्षो़ठीमगी दो़न्‍दाकगो डुपा जेपालाक।

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 7:10

धेनी ङा स्‍यीजुङ। धेनी छे ॱनाङ घोये हीन्‍गीन का देगी, ङी क्षीला छीवा खेरती होजुङ।

रोमापा 7:22

धेनी ङी सेमगी तीङने को़न्‍क्षोकगी क्षो़ठीमला घावा झ्‍यीदीहो़क।

रोमापा 7:5

घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

१ कोरीन्‍थुपा 13:10

हीना फी़न्‍सुम छोक्‍पागो फेई घाङला, ॱमेछाङगीन घीरी मेताला डुगीलाक।

२ कोरीन्‍थुपा 3:3

धेनी खेक्‍या नी हीकी श्‍याप्‍ची श्‍युगीनगी ढेबु हीन्‍गीन, मास्‍यीकागी ढीया जेजा यीक लाक। दे यीक नी, ॱनाक्‍चागी ढीक्‍टा मालाक हीना कुसो़न्‍पो श्‍युक्‍कीन को़न्‍क्षोकगी थुक्‍ङीने ढीक्‍टालाक। धेनी धोलेप खाला ढीक्‍टा मेन्‍दा, मीगी सेम नाङदु ढीक्‍टा यीक लाक।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

२ कोरीन्‍थुपा 3:8

धा हुरे हीन्‍ना धाम्‍पे थुक्‍ङीगी क्षाक्‍लेगो, क्षो़ठीम ले ल्‍हाक शीजेक्षे मेयोङगीले?

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

ईब्‍रीपा 12:18

खेक्‍या ईस्‍राएल्‍पाक्‍या च्‍योक्‍रे, लाक्‍पी जु थुक्‍कीन धाङ मे भारती धेता धाङ मी़नाक धाङ ॱमुक्‍पी तुम्‍दा धाङ ॱलुङ खोरती धेता रीला मायो हो़तालाक।

ईब्‍रीपा 3:3

खाङबाने खाङबा शोगीनला कुरती ल्‍हाक हो़गीन च्‍योक्‍रे, मोशेने येशु धोराङा ल्‍हाक शीजेक्षे चीवालाक।

ईब्‍रीपा 9:4

होदे नाङदु पो़ पारसा सेरगी क्षो़ठी धाङ छोक घीरीने सेरगी तुम्‍दा, धाम्‍चागी गाम हो़तालाक। गाम दी नाङदु ॱमान्‍ना ॱनागीन शामा हो़गीन, सेरगी भुम्‍पा धाङ आरोनगी भेक्‍योक धाङ धाम्‍चागी धोलेप हो़तालाक।