२ कोरीन्‍थुपा 3:18 - ॱलोवा

¹⁸ धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 3:18 Iomraidhean Croise

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 12:41

यस्‍यायागी येशुगी शीजे थोरी, खोङबागी कोरला देरे सुवालाक।

योहान्‍ना 17:22

होराङ ॱङीउ च्‍यीक हीन्‍गीन च्‍योक्‍रे, खुङक्‍या च्‍यीक हुङयेला, खेराङगी ङाला ॱनाङगीन शीजेगो ङी खुङक्‍याला तेरहो़क।

योहान्‍ना 17:24

“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

रोमापा 8:4

दे नी, होराङ धीक्‍पे राङश्‍यीला तेन्‍दी मेन्‍दा हीना धाम्‍पे थुक्‍ङीला तेन्‍दी छोवा क्‍यागीनक्‍याई, क्षो़ठीमगी ढाङपो चीगीनगो ताक-ताक झ्‍यीदास्‍योक ॱनेरी, को़न्‍क्षोकगी जेपालाक।

रोमापा 8:7

घीझ्‍येरी ॱनाना धीक्‍पे राङश्‍यीला तेन्‍गीन सेम नी, को़न्‍क्षोकगी डा हुङालाक। दी को़न्‍क्षोकगी क्षो़ठीमला ॱमीचीलालाक धेनी चीया ॱमीथुक्‍वालाक।

१ कोरीन्‍थुपा 13:12

धान्‍दा होराङ ॱमुक्‍पी तुम्‍दा मेलोङला तागीन च्‍योक्‍रे, सावो ॱमेथोङालाक हीना स्‍याम्‍ला ॱङो़सुमदु ज्‍यागीलाक। धान्‍दा ङाला तीते च्‍यीक स्‍येयेहो़क हीना स्‍याम्‍ला को़न्‍क्षोकगी ङी कोरला घीरी खेन्‍गीन च्‍योक्‍रे, ङीयाः घीरी स्‍येगीलाक।

१ कोरीन्‍थुपा 15:49

धेनी होराङ थालागी मीगी ॱयीपला केक्‍या च्‍योक्‍रे, नाम्‍खे श्‍यीङखामगी मीगी ॱयीपलाः केगीलाक।

२ कोरीन्‍थुपा 3:17

धा चोवो नी थुक्‍ङी लाक धेनी चोवोगी थुक्‍ङी घारु श्‍युक्‍यी होदुरु राङवाङ हुङालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

तीतोस 3:5

होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।

याकोब 1:23

काला ङेन्‍ये च्‍यीगा ङेन्‍दी लाक्‍लेन ॱमेताङगीनगो, राङगी ङोरोङ मेलुङला तागीन मी च्‍योक्‍रे लाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।