२ कोरीन्‍थुपा 3:12 - ॱलोवा

¹² हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।

२ कोरीन्‍थुपा 3:12 Iomraidhean Croise

योहान्‍ना 10:24

याहुदापा पो़न्‍पोक्‍या खोङबागी थाकोरला जोम्‍दी, खोङला श्‍यी़वालाक, “खेराङ नाम थुक्‍पे हेला थेचुम केरु च्‍युक्‍ये? खेराङ मास्‍यीकागो हीन्‍ना हेला सावो सुङाजे।”

योहान्‍ना 16:25

“ङी खेक्‍याला देक्‍या पेगी गोने स्‍येहो़क। हीना यापगी कोरला खेक्‍याला पेगी गोने मेन्‍दा सावो स्‍येयेगी धी़गो स्‍यारकीलाक।

योहान्‍ना 16:29

खोङबागी ङेनेक्‍याई श्‍यी़वालाक, “धा खेराङ पेगी थोक्‍ने मेन्‍दा, सावो सुङा जेदी।

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 4:13

धेनी छोक्‍पागी मीक्‍याई पेटो धाङ योहान्‍ना क्षो़ माढोक्‍टा धाङ मी ॱङ्यामच्‍युङा झ्‍युरीयाः, खुङ ॱङीउ ॱमीच्‍यीकी ॱङीङक्षे झ्‍यीगीनगो थोरी ॱहाङसावालाक। धेनी खुङक्‍याई दे ॱङीउ येशुमुला धेपालाक ॱनेरी ॱहाघोरपालाक।

जेपा 9:27

हीना बारनाबागी खोला कुछापक्‍याई दोङदु ठीक्‍ती होरी, दामासेकोगी लाम्‍गाला खी़ घाङ झ्‍येरी चोवोला ज्‍यारी, चोवोगी खोला का ॱनाङना धाङ दामासेकोरु येशुगी छेनने ॱमीच्‍यी ॱङीङक्षे झ्‍येरी, खी़ स्‍येगीनगो खुङक्‍याला स्‍येपालाक।

जेपा 9:29

धेनी खो च्‍योई गीरीक याहुदापाक्‍यामुला लाब तारी थाप्‍पालाक हीना खुङक्‍या खोला सेयेला थापस्‍यी झ्‍येवालाक।

१ कोरीन्‍थुपा 14:19

हीना क्षो़छोकगी नाङदु ङा केरीक श्‍येम्‍मागी थोक्‍ने छीक ठी च्‍यीक तो़न्‍दी लाब ताङयेने, ङारी रीक्‍पागी थोक्‍ने छीक ॱङा तो़न्‍दी श्‍येम्‍माला ॱलापच्‍या तेरयेला, ङा लाब ताङङी दो़दीक।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 3:11

धेनी येरी डुगीनगो शीजेगी थोक्‍ने होवा हीन्‍ना, तेन्‍दु ॱनेगीनगो धोराङा ल्‍हाक शीजेक्षे हुङ घो़गुलाक।

२ कोरीन्‍थुपा 4:13

सुङरापला देरे ढीक्‍टा “ङी धेपा झ्‍येवी होझ्‍येरी ङी लाब तावी।” सुरी सुङगीन, धेपागी थुक्‍ङी च्‍यीक्‍पागो हीकी नाङ हो़गीन झ्‍येरी हेक्‍याः धेपा झ्‍यीदीहो़क। होझ्‍येरी हेक्‍या लाब ताङाहीन।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

फीलीप्‍पीपा 1:14

धेनी ङा चो़न्‍खाङदु छी़गीनगी झ्‍येरी, पी़न माङक्षे चोवोगी नाङ ॱलोतेक्षे धाङ मीजीया ताम्‍शाङ स्‍येयेला, ॱलोगोक क्षे झ्‍युदुक।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

कोलोसेपा 4:4

ङी स्‍येघोगीन साङवागो सावो झ्‍येरी, सेटाक झ्‍यी थुप्‍येला ॱमो़लाम ग्‍योप।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

१ तीमोथेउ 3:13

श्‍याप्‍तोक्‍पा झ्‍युरी श्‍याप्‍तोक घा पुगीनक्‍याला, राङला घुस्‍याप थोप्‍कीलाक धेनी मास्‍यीका येशुगी थोक्‍ने धेपाला ॱलोतेक्षे थोप्‍कीलाक।

फीलेमोन 1:8

ख्‍यी़ घी झ्‍यीघोगीनगोला मास्‍यीकागी थोक्‍ने, ङी ख्‍यो़ला का तेरयेगी ॱलोगोक हो़नाः,