२ कोरीन्‍थुपा 3:1 - ॱलोवा

¹ धा हेक्‍या याङ राङगी तो़टा ताङये गो चुक्‍ये? धेनी मी श्‍येम्‍माक्‍या च्‍योक्‍रे हेक्‍यालाः, खेक्‍याचारु याङना खेक्‍याने ङोटो़गी यीगी घोगुलाक से?

२ कोरीन्‍थुपा 3:1 Iomraidhean Croise

जेपा 18:27

होदे स्‍याम्‍ने आपोल्‍लोसगी आकाईयारु डोये साम्‍लो तावालाक। धेनी एफीसुरु हो़गीन धेपा-झ्‍यीगीनक्‍याई, खोला होदुरु सोङ धेनी खोला घामोमा फेप्‍सु श्‍यु ॱनेरी, आकाईयागी ङेनेक्‍याला यीक ढीक्‍ती कुरपालाक। आकाईयारु ॱलेप्‍ती चोवोगी थुक्‍जेगी झ्‍येरी होवा धेपा-झ्‍यीगीनक्‍याला, आपोल्‍लोसगी ॱमीच्‍यीकी घा रोवा झ्‍येवालाक।

रोमापा 16:1

ङा खेक्‍या दोङदु केन्‍कीरीया ढोङखेरदु हो़गीन, क्षो़छोकगी श्‍याप्‍ची पुगीन, होरी नुमो फेबेगी तो़टा ताङाहीन।

१ कोरीन्‍थुपा 16:3

धेनी ङा ॱलेप्‍ती, ङी खेक्‍याई थाक्‍चो़चा मीक्‍याई कोरला ङोटो़गी यीक ढीक्‍ती, खुङक्‍याला खीकी ॱङेन्‍बागो येरुसालेमदु क्‍यारु झाङु।

१ कोरीन्‍थुपा 3:10

को़न्‍क्षोकगी ङाला ॱनाङना थुक्‍जेगी गोने, ङी खाङबा शोगीन खेवा च्‍यीक च्‍योक्‍रे, खाङबी ॱमाङस्‍यीगो तीवी धेनी श्‍येम्‍माक्‍याई होदेगी खाला चीक्‍पा चीक्‍यी। हीना खाङबा चीक्‍कीन रे-रेगी, होदे चीक्‍यी घाङला दो़नाङ झ्‍यीघो़।

१ कोरीन्‍थुपा 4:15

मास्‍यीकागी थोक्‍ने, खेक्‍याला ताक्‍योङ झ्‍यीगीन मी ठी च्‍यीक हो़ना, खेक्‍याला आकीक्‍या माङा मेतालाक। घीझ्‍येरी ॱनाना मास्‍यीका येशुगी नाङ ताम्‍शाङगी गोने, ङा खीकी आकी झ्‍युवालाक।

२ कोरीन्‍थुपा 10:12

राङगी तो़टा राङ ताङगीन मी रीङगाक्‍यामुला, हेक्‍या हेराङला छे च्‍यीकला श्‍याक्‍ये याङना राङला खुङक्‍यामुला दुरयेगी ॱलोगोक मीझ्‍यीहो़क। हीना खुङक्‍या खोराङक्‍या नाङदु च्‍यीकगी च्‍यीकला छे ग्‍याराङ याङना दुराराङ, खोराङक्‍या ॱलेन्‍दा झ्‍युङालाक।

२ कोरीन्‍थुपा 10:18

घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

२ कोरीन्‍थुपा 10:8

घीझ्‍येरी ॱनाना खेक्‍याला ॱनो़ क्‍याये मेन्‍दा, हीना खेक्‍याला यारके ताङयेला चोवोगी हेक्‍याला ॱनाङना आङजागोला, ङी ङोम्‍सो आरुङ माङा झ्‍येहो़ना, ङा देला ङोछाये मेन।

२ कोरीन्‍थुपा 12:11

ङा कुक्‍पा झ्‍युहो़क। देरे झ्‍यीयेला खीकी ङाला उजुक झ्‍यीदु च्‍युक्‍जुङ। खेक्‍याने ङाला तो़टा थोप घोयेहो़क घीझ्‍येरी ॱनाना ङा घी च्‍यीया मेन्‍नाः, खाक्‍क्षे कुछापक्‍याने ङा ॱमावा मेन।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 5:12

हेक्‍या याङ खेक्‍याई दोङदु राङला तो़टा झ्‍यीदामेन हीना सेम नाङगी दो़नला मेन्‍दा, फीदी दो़नला ङोम्‍सो झ्‍यीगीन च्‍योक्‍रे, मीक्‍याला खेक्‍याई लेन तेर थुक्‍वास्‍योक ॱनेरी, खेक्‍याला हीकी खाला ङोम्‍सो झ्‍यीयेगी घुकाप हेक्‍या तेराहीन।