२ कोरीन्‍थुपा 13:9 - ॱलोवा

⁹ धेनी हेक्‍या क्‍योवा झ्‍युङाराङ हीना खेक्‍या स्‍युक्‍क्षे झ्‍युङाराङ, हेक्‍या ङ्यामो घी हो़क। धेनी खीकी यारकेगी क्षीदु हेक्‍या ॱमो़लाम ग्‍यावीहो़क।

२ कोरीन्‍थुपा 13:9 Iomraidhean Croise

रोमापा 15:2

धेनी होराङ मी रे-रेगी राङगी खीम्‍चेला फेन्‍ये धाङ खी़ धेपा यारके ताङयेगी क्षीला, खोला घारु च्‍युक घोवालाक।

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

१ कोरीन्‍थुपा 2:3

ङा खीकीचारु क्‍योवा झ्‍युरी, ॱमीच्‍यीकी जीक्‍ती धाङ दारती होवी।

१ कोरीन्‍थुपा 4:10

मास्‍यीकागी दो़न्‍दु हेक्‍या ॱलेन्‍पा धाङ खेक्‍या मास्‍यीकागी नाङ खेवा दुक। हेक्‍या नी, क्‍योवा हो़क हीना खेक्‍या स्‍युक्‍क्षे दुक। धेनी खेक्‍याला कुरती धाङ हेक्‍याला ॱमेबेप थोप्‍दुक।

२ कोरीन्‍थुपा 11:30

ङा ङोम्‍सो झ्‍यीघो़ना, ङा ङारी थापक्‍योवा झ्‍युङगीन दो़नक्‍याला ङा ङोम्‍सो झ्‍यीयेहीन।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 13:4

घीझ्‍येरी ॱनाना खोङबा क्‍योवा हो़ताराङ ग्‍याङस्‍यीङला क्‍याङबालाक हीना को़न्‍क्षोकगी नी़थुगी थोक्‍ने, खोङबा सो़न्‍पालाक। देरेराङ झ्‍येरी हेक्‍या खोङबागी नाङ क्‍योवा हो़क हीना खीकीमुला ढेवा झ्‍यीयेला, हेक्‍या को़न्‍क्षोकगी नी़थुगी थोक्‍ने, हेक्‍या खोङबा मुलाराङ सो़न्‍पो ॱनेगीलाक।

२ कोरीन्‍थुपा 4:12

होझ्‍येरी छीवागी हीकी मीछेला लेगा झ्‍यीदालाक हीना छे नी, खेक्‍याई मीछेला लेगा झ्‍यीदालाक।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 3:10

खेक्‍याला ॱङो़न्‍सुमदु थुक्‍ती, खेक्‍याई धेपाला ॱमेछाङगीन घी दुक, होदेगो डुप्‍येला हेक्‍या ॱङीङ थाक्‍पाने ङीन-छेन ॱमो़लाम श्‍यी़री धेता हीन।

२ तीमोथेउ 3:17

होझ्‍येरी को़न्‍क्षोकगी मीक्‍या ले शाङा घीरीला, जो़न्‍पो धाङ छाङगीन झ्‍युङगीलाक।

ईब्‍रीपा 12:23

नाम्‍खे श्‍यीङखामदु मीङ ढीक्‍टा एन्‍ला केक्‍या क्‍याई छोक्‍दुरु, खेक्‍या हो हो़तालाक। धेनी खेक्‍या मी घीरीगी ठीम्‍पो़न हीन्‍गीन को़न्‍क्षोक चारु धेनी फी़न्‍सुम छोक्‍पा जेजा, ढाङतेनगी मीक्‍याई सेम्‍ङीगी घुङदु,

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।