२ कोरीन्‍थुपा 13:3 - ॱलोवा

³ घीझ्‍येरी ॱनाना मास्‍यीकागी ङी थोक्‍ने, कामो़न सुङगीनगी पाङपोगो खेक्‍या चालालाक। धेनी खीकीमुला ढेवा जेदाराङ खोङबा क्‍योवा मेतालाक हीना खीकी घुङदु खोङबा स्‍युक्‍क्षे हो़तालाक।

२ कोरीन्‍थुपा 13:3 Iomraidhean Croise

मेथा 10:20

घीझ्‍येरी ॱनाना सुङगीनगो खेक्‍या मालाक हीना खीकी थोक्‍ने, खेरी यापगी थुक्‍ङीगो लाक।

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

१ कोरीन्‍थुपा 7:40

हीना ङी साम्‍लोला, मो मोरोङमा राङ धेना मोला ॱयो़ल्‍ले कीदा झ्‍युङगीलाक। धेनी ङी दे ॱनी घाङला, ङा खेक्‍याला को़न्‍क्षोकगी थुक्‍ङी गोने ॱलोप्‍तो़न तेरी हो़क ॱनेरी, ङी साम्‍लो हो़क।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 10:4

घीझ्‍येरी ॱनाना हेक्‍याई छो़न्‍छा नी, जीक्‍तेनगी छो़न्‍छा मालाक हीना हीकी छो़न्‍छाला, खारजोङक्‍या तोरस्‍यीक ताङ थुक्‍कीन, को़न्‍क्षोकगी नी़थु हो़क।

२ कोरीन्‍थुपा 12:12

खेक्‍याई घुङदु कुछाप ॱङोन्‍नेगी ताकक्‍या, ङी शो़पा क्षे झ्‍येरी ताकक्‍या धाङ ॱहाङसागीनक्‍या धाङ नी़थुक्‍याई लेगाक्‍याई थोक्‍ने, तो़न्‍बालाक।

२ कोरीन्‍थुपा 2:10

खेक्‍याई सुला घोयाङ तेरी, ङाः होदेला घोयाङ तेराहीन। धेनी लाब घारे च्‍यीक हीन्‍ना, ङी घोयाङ तेर हो़ना, होदे ङी खेक्‍याई क्षीदुराङ मास्‍यीकागी डुङदु घोयाङ तेरपी।

२ कोरीन्‍थुपा 2:6

खेक्‍याने माङक्षेगी थोक्‍ने, खोला फोक्‍पा छेपागो ढीक्‍येदुक।

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।