२ कोरीन्‍थुपा 13:10 - ॱलोवा

¹⁰ चोवोगी ङाला ॱनाङना आङजा दे, ङा खीकीचारु हुङाराङ चुक्‍वा झ्‍येरी भेचो़ झ्‍यी मेघोयेगी क्षीला, ङा खेक्‍या घुङदु मेताराङ, दे लाबक्‍या ढीयाहीन। आङ दे नी खेक्‍याला तोरयेला मेन्‍दा, खेक्‍याला यारके ताङयेगी क्षीदु ङाला ॱनावालाक।

२ कोरीन्‍थुपा 13:10 Iomraidhean Croise

१ कोरीन्‍थुपा 4:21

खेक्‍या घी दो़दी हेतो? ङा खीकीचारु ग्‍युक्‍पा खेरती हुङगु, याङना झाम्‍सेम धाङ झ्‍याबोमा झ्‍येरी हुङगु?

१ कोरीन्‍थुपा 5:4

धेनी खेक्‍या चोवो येशुगी छेनगी थोक्‍ने जोमाराङ धेनी ङा सेम्‍ङीगी थोक्‍ने खीकीमुला हो़ताराङ, होरी चोवो येशुगी नी़थुगी गोने,

२ कोरीन्‍थुपा 10:2

हेक्‍याला जीक्‍तेनगी तावा च्‍योक्‍रे मीछे क्‍याली ॱनेरी, दोक्‍पा झ्‍यीगीन मीक्‍याला, ङा खीकीचारु हुङाराङ ङी तो़न्‍ये ॱनेरी साम्‍गीन ॱलोगोकगो मीज्‍यीया तो़न माघोवास्‍योक ॱनेरी, ङा खेक्‍याला श्‍योवा पुलाहीन।

२ कोरीन्‍थुपा 10:4

घीझ्‍येरी ॱनाना हेक्‍याई छो़न्‍छा नी, जीक्‍तेनगी छो़न्‍छा मालाक हीना हीकी छो़न्‍छाला, खारजोङक्‍या तोरस्‍यीक ताङ थुक्‍कीन, को़न्‍क्षोकगी नी़थु हो़क।

२ कोरीन्‍थुपा 10:8

घीझ्‍येरी ॱनाना खेक्‍याला ॱनो़ क्‍याये मेन्‍दा, हीना खेक्‍याला यारके ताङयेला चोवोगी हेक्‍याला ॱनाङना आङजागोला, ङी ङोम्‍सो आरुङ माङा झ्‍येहो़ना, ङा देला ङोछाये मेन।

२ कोरीन्‍थुपा 13:2

थेङ ॱङीवागोला ङा खीकी घुङदु हो़ताराङ, ङी खेक्‍याला ङेन्‍ता ताता च्‍योक्‍रे, धा ङा खीकी घुङदु मेती घाङलाः, ङा खेक्‍याला धान्‍दा ङेन्‍ता तेराहीन। ङा धाब्‍ले हुङाराङ, एम्‍मा खे धीक्‍पा झ्‍यीगीनक्‍या धाङ श्‍येम्‍मा सुलाः ङा शो़पा मीझ्‍यी।

२ कोरीन्‍थुपा 13:8

घीझ्‍येरी ॱनाना धेन्‍पाला गारी, हेक्‍या घीया झ्‍यी ॱमीथुक्‍वालाक हीना धेन्‍पागी क्षीदु च्‍यीगा झ्‍यी थुक्‍वालाक।

२ कोरीन्‍थुपा 2:3

ङा खेक्‍याचारु हुङी घाङला, ङी सेम घारु च्‍युक घोये हीन्‍गीन, खेक्‍याई ङी सेम क्‍योरु ॱमीच्‍युक्‍येगी क्षीदु, ङी होदे लाबक्‍या ढीक्‍पी। धेनी ङी घाटो नी, खेक्‍या घीरीगी घाटो झ्‍युङगीलाक ॱनेरी, खेक्‍या घीरी खाला ङी यीच्‍चे तेन्‍पो हो़क।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

तीतोस 1:13

दे पाङपो दे, धेन्‍पा लाक। होझ्‍येरी होदेक्‍याला ॱलापच्‍या घामोमा तेर धेनी खुङक्‍याई धेपा तेन्‍पो झ्‍युरी,