२ कोरीन्‍थुपा 12:7 - ॱलोवा

⁷ ङाला ॱङो़न्‍गीन साल्‍तो़नगो ग्‍याक्षे झ्‍येरी, ङा राङला ॱमीच्‍यीकी क्षे ॱमाचीवास्‍योक ॱनेरी, ङी ली़ला छेम्‍मा च्‍यीक ॱनाङसोङ। धेनी दे नी ङाला दुक्‍पु ताङयेला, धी़ सातानगी भाङछेन च्‍यीक लाक।

२ कोरीन्‍थुपा 12:7 Iomraidhean Croise

मेथा 26:67

धेनी खुङक्‍याई खोङबागी श्‍यालला छीमाक तोरती खोङला दुवालाक। धेनी रीङगागी खोङबाला डाम्‍चाक श्‍युरती,

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

लुका 13:16

धा दे केमी आब्‍राहामगी भोमो दे सातानगी लागाला लो चाबग्‍ये थुक्‍पे स्‍योर हो़तालाक धेनी ङासुगीन ङीमाला, मोला होदेगी लागाने टो ॱमेक्षोक्‍वाले?”

१ कोरीन्‍थुपा 4:11

दे धी़ थुक्‍पे हेक्‍या फोवा तोक्‍ता धाङ खा कोम्‍गा धेनी घोलाक ॱरुल्‍दुक्‍पा घो़न्‍गा धाङ श्‍येम्‍मागी धुता धाङ राङ खाङबा मेगीन झ्‍युहो़क।

१ कोरीन्‍थुपा 5:5

देरे मीला धी़ सातानगी लाकला ची ग्‍योप। देरे झ्‍येरी खी़ धीक्‍पे ली़गो मेताला सोरी, चोवोगी ङीमाला खी़ सेम्‍ङीगो क्‍योप्‍कीलाक।

२ कोरीन्‍थुपा 10:10

घीझ्‍येरी ॱनाना “खी़ यीकक्‍या ॱमीच्‍यीकी चुवा धाङ स्‍युक्‍क्षे दुक हीना ङो ठेदाराङ खो क्‍योवा दुक धेनी खी़ लाबक्‍या क्षोमेगीन दुक” ॱनेरी रीङगागी ॱनी।

२ कोरीन्‍थुपा 10:5

को़न्‍क्षोकगी स्‍येयो़नला काक्‍कीन चो़लीङक्‍या धाङ झ्‍यी़ङेनक्‍याला, हेक्‍या चामेदु ताङाहीन। धेनी साम्‍लो घीरीला मास्‍यीकागी काला ङेन्‍येला वाङ होकदु दुवालाक।

२ कोरीन्‍थुपा 11:20

घीझ्‍येरी ॱनाना मीक्‍याई खेक्‍याला ॱयोक्‍पो शो़ना याङना खेक्‍याला हो़गीन घीरी ठोक्‍ना याङना खेक्‍याने खेब्‍साङ लेन्‍ना याङना खेक्‍याला ॱङ्याप्‍चो़ स्‍येना याङना खीकी डाबाला डाम्‍चा श्‍युरनाः, खेक्‍या शो़पा झ्‍यीदीक।

२ कोरीन्‍थुपा 12:1

ङी ङोम्‍सो झ्‍यीराङ घोगुलाक। देने ङाला फेन्‍ये घीया मेना, चोवोने थोप्‍था थोङनाङक्‍या धाङ साल्‍तो़नक्‍याई कोरला ङा स्‍येयेहीन।

गालातीयापा 4:13

ङी एन्‍ला खीकीचारु ताम्‍शाङ स्‍येगीनगी दो़न्‍दाकगो, ङी शु ॱमेथाङा झ्‍येरी लाक ॱनेरी खेक्‍याला स्‍येये हो़तालाक।

१ तीमोथेउ 3:6

खो धेपाला साम्‍बा ग्‍युरवा मी हुङये मेतालाक घीझ्‍येरी ॱनाना खो पोवा केरी धी़कगी क्षेपा नाङला ल्‍हीम थुप्‍कीलाक।