२ कोरीन्‍थुपा 12:20 - ॱलोवा

²⁰ घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

२ कोरीन्‍थुपा 12:20 Iomraidhean Croise

रोमापा 1:29

खुङक्‍या नी, चो़पा दुकच्‍या धाङ ङेन्‍पा धाङ सो़न्‍ना धाङ ङेन्‍सेम ॱनाछोकगी खाङ हो़तालाक। धेनी खुङक्‍या ठादोक धाङ मी सोक चेये धाङ ठुक्‍पा ग्‍याप्‍ये धाङ गो कोरये धाङ दाङसेमगी खाङ हो़तालाक। धेनी खुङक्‍या ठामा ग्‍याप्‍ये

रोमापा 1:30

धाङ ॱमेटा पाप्‍कीन धाङ को़न्‍क्षोकला दाङा झ्‍यीगीन धाङ मीला ॱङ्याप्‍चो़ स्‍येगीन धाङ ङागेल्‍चेन धाङ राङतो़ झ्‍यीगीन हो़तालाक। खुङक्‍या ङेन्‍पा झ्‍यीयेगी थापस्‍यी चागीन धाङ राङगी फामाला ॱमीचीगीन

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

१ कोरीन्‍थुपा 1:11

घीझ्‍येरी ॱनाना ङी पी़नक्‍याओ, खेक्‍या ठुक्‍ती धेदुक ॱनेरी, ङाला क्‍लोईगी नाङमीक्‍याई स्‍येजुङ।

१ कोरीन्‍थुपा 14:33

घीझ्‍येरी ॱनाना को़न्‍क्षोक नी, गो ठुक्‍तु च्‍युक्‍कीन को़न्‍क्षोक मेन्‍दा श्‍यीदेगी को़न्‍क्षोक लाक। धाम्‍पे मीक्‍याई क्षो़छोक घीरीगी डोताङला तेन्‍दी,

१ कोरीन्‍थुपा 5:2

धेनी खेक्‍यागो ङोम्‍सो झ्‍यीदाले? खेक्‍या ग्‍यो़पा झ्‍यीघोये हो़तामाले? देरे लेगा झ्‍यीगीनला खीकी घुङने पी़।

२ कोरीन्‍थुपा 1:23

खेक्‍याला घाक्‍वा मीझ्‍युङयेगी क्षीदु, ङा कोरीन्‍थुरु मायो धेनी दे लाब दे ङा को़न्‍क्षोकला पाङपो चुक्‍ती ॱनाहीन।

२ कोरीन्‍थुपा 10:2

हेक्‍याला जीक्‍तेनगी तावा च्‍योक्‍रे मीछे क्‍याली ॱनेरी, दोक्‍पा झ्‍यीगीन मीक्‍याला, ङा खीकीचारु हुङाराङ ङी तो़न्‍ये ॱनेरी साम्‍गीन ॱलोगोकगो मीज्‍यीया तो़न माघोवास्‍योक ॱनेरी, ङा खेक्‍याला श्‍योवा पुलाहीन।

२ कोरीन्‍थुपा 10:6

धेनी खेक्‍या मास्‍यीकागी काला ङेन्‍गीन छाङगो झ्‍युसारती, काला मेङेन्‍गीनक्‍याला छेपा कायेला, हेक्‍या डाढीक झ्‍येरी धेयेहीन।

२ कोरीन्‍थुपा 12:21

ङा याङ हुङी घाङला, खीकी घुङदु ङी को़न्‍क्षोकगी ङाला ॱमावा जेटु ॱनेरी, ङा जीक्‍ई। धेनी मी माङागी एम्‍मा झ्‍येजा धीक्‍पाक्‍या धाङ खुङक्‍याई झ्‍येजा ॱमेचाङा धाङ लोक्‍येम धाङ दो़छाकने ग्‍यो़पा मीझ्‍यीदा मीग्‍युरकीनगोला, ङा सेम क्‍यो घो़टु।

२ कोरीन्‍थुपा 13:2

थेङ ॱङीवागोला ङा खीकी घुङदु हो़ताराङ, ङी खेक्‍याला ङेन्‍ता ताता च्‍योक्‍रे, धा ङा खीकी घुङदु मेती घाङलाः, ङा खेक्‍याला धान्‍दा ङेन्‍ता तेराहीन। ङा धाब्‍ले हुङाराङ, एम्‍मा खे धीक्‍पा झ्‍यीगीनक्‍या धाङ श्‍येम्‍मा सुलाः ङा शो़पा मीझ्‍यी।

२ कोरीन्‍थुपा 2:1

खेक्‍याला धाब्‍ले सेम क्‍योरु ॱमीच्‍युक्‍येगी क्षीदु, ङा याङ खेक्‍याचारु मेयोङयेगी थाक च्‍येबी।

गालातीयापा 5:15

हीना खेक्‍या सेम्‍चेन च्‍योक्‍रे च्‍यीकगी च्‍यीकला क्‍यो़न तारी दुक्‍पु तेरना, खेक्‍या खेराङक्‍यानेराङ मेताला डो माघोवास्‍योक ॱनेरी शाप-शाप झ्‍यी।

गालातीयापा 5:26

होराङक्‍या राङथोङ धाङ श्‍येम्‍माला टुक्‍कीन धाङ च्‍यीकगी च्‍यीकला, ठादोक झ्‍यीगीन लेगा झ्‍यीये मेतालाक।

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।