२ कोरीन्‍थुपा 12:2 - ॱलोवा

² लो च्‍युपश्‍यी एन्‍ला नाम्‍खे श्‍यीङखाम सुम्‍बारु ठीक्‍ठा, मास्‍यीकाला धेपा झ्‍यीगीन मी च्‍यीक ङी ङोस्‍येलीहो़क। खो ली़ला याङना सेम्‍ङीला ठीक्‍कीनगो, ङी मेस्‍येहो़क हीना को़न्‍क्षोक खेन जेदालाक।

२ कोरीन्‍थुपा 12:2 Iomraidhean Croise

लुका 24:51

खोङबागी खुङक्‍याला झ्‍यीलाप ॱनाङी घाङला, खोङबा खुङक्‍याने खा डारी नाम्‍खा स्‍योकला ठीया जेपालाक।

योहान्‍ना 6:56

ङी स्‍या शागीन धाङ ङी ठाक थुङगीनगो, ङी नाङ ॱनेलालाक धेनी ङा होदेगी नाङ ॱनेलाहीन।

जेपा 14:6

हीना पाउलु धाङ बारनाबागी दे लाब ॱहाघोरती, खुङक्‍या डो़री सोरी लुकोनीया साजाला हो़गीन लुस्‍टा धाङ धेरबे ग्‍याजारु सोवालाक।

जेपा 22:17

“होदेने ङा येरुसालेमदु लोक्‍पी धेनी क्षो़खाङ नाङदु सोवा ग्‍याई घाङला, ङी थोङनाङ च्‍यीक थोजुङ।

रोमापा 16:10

धेनी मास्‍यीकागी नाङ शाङपो चीचा, आपेलेला छाम्‍डी श्‍यी़। धेनी आरीस्‍तोबुलोगी नाङमीक्‍याला छाम्‍डी श्‍यी़।

रोमापा 16:3

धेनी मास्‍यीका येशुगी नाङ, ङी लेरोक पीरीस्‍का धाङ आकुलाला छाम्‍डी श्‍यी़।

रोमापा 16:7

ङी पी़न्‍दा धाङ ङी चो़न्‍रोक हीन्‍गीन, एन्‍डोनीकु धाङ युनीयाला छाम्‍डी श्‍यी़। खुङक्‍या कुछापक्‍याई नाङ केटाक्‍क्षे हो़तालाक धेनी ङाने एन्‍ला मास्‍यीकावा झ्‍युवालाक।

रोमापा 16:9

धेनी मास्‍यीकागी नाङ ङी लेरोक, उरबानु धाङ ङी चेवे रोवा स्‍ताकुसला छाम्‍डी श्‍यी़।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

२ कोरीन्‍थुपा 11:11

ङी देरे घीझ्‍येरी झ्‍यीदाले? ङी खेक्‍याला चेवा मेगीन झ्‍येरी लाक से? ङी खेक्‍याला चेवा हो़गीनगो को़न्‍क्षोक खेन्‍दालाक।

२ कोरीन्‍थुपा 13:5

राङगी धेपाला खेक्‍या ॱनेदुई याङना मीदुई ॱनेरी, राङला ताक्‍चा झ्‍यी। राङला छो़ता झ्‍यी। छो़ताला ॱमेथारना, येशु मास्‍यीका खीकी नाङ ॱनेगीनगो खेक्‍याई स्‍येघु मालाक से?

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 1:22

होदे थुक्‍पे युदेया युदु हो़गीन मास्‍यीकागी क्षो़छोकक्‍याई, ङाला थोङ माङ्युङ हो़तालाक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 4:10

माला भाप जेगीनगोराङ, नाम्‍खे श्‍यीङखाम घीरीगी थो़स्‍योकला फेप्‍कीनगो लाक। धेनी दे नी, खोङगी जीक्‍तेनदु घीरी खाङदु च्‍युक्‍येगी क्षीला लाक।

१ थेसालोनीकेपा 4:17

धेनी होराङ सो़न्‍पो हो़गीन धाङ लेगीनक्‍या चोवोला ॱनामला ज्‍यायेला खुङक्‍यामुला ॱरीङ नाङदु ठीया जेगीलाक धेनी होराङक्‍या चोवोमुला च्‍योई ॱनेगीलाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।

ॱङो़न्‍पा 12:5

धेनी होदे भोमोगी़ मीरीक घीरीला च्‍याकगी भेक्‍योकगी वाङग्‍युर झ्‍यीये हीन्‍गीन, भीजा च्‍यीक केवालाक। धेनी मी़ भीजागो को़न्‍क्षोक धाङ खोङबागी श्‍युक्‍ठीगी दोङदु याला खेरपालाक।

ॱङो़न्‍पा 4:2

धेनी लाम्‍साङ ङा धाम्‍पे थुक्‍ङीगी खाजुङ। धेनी नाम्‍खे श्‍यीङखामदु श्‍युक्‍ठी च्‍यीक दुक धेनी होदे श्‍युक्‍ठीगी खाला श्‍युक्‍कीन च्‍यीक दुक।