२ कोरीन्‍थुपा 12:15 - ॱलोवा

¹⁵ धेनी ङा खेक्‍याई क्षीदु घाटोगी गोने ङाला हो़गीन घीरी धाङ ङा राङ-राङला पुयेहीन। ङी खेक्‍याला चेवा माङा झ्‍यीना, ङाला चेवा ङ्युङा थोप्‍कुलाक से?

२ कोरीन्‍थुपा 12:15 Iomraidhean Croise

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

२ कोरीन्‍थुपा 1:14

धेनी खेक्‍याई हीकी कोरला तीते च्‍यीक ॱहाघोरसागीन झ्‍येरी, धा हीकी कोरला घीरी ॱहाघोरास्‍योक ॱनेरी, ङी रेवा हो़क। धेनी चोवो येशु याङ फेप्‍ये हीन्‍गीन ङीमाला, हेक्‍याई खीकी क्षीला ङोम्‍सो झ्‍यीगीन च्‍योक्‍रे, खेक्‍यागीयाः हीकी क्षीला ङोम्‍सो झ्‍यी थुक्‍कीलाक।

२ कोरीन्‍थुपा 1:6

हेक्‍याला दुक्‍पु झ्‍युङना, होदेगो खेक्‍याला सेम्‍सो धाङ थारपा थोप्‍येगी क्षीदु लाक। धेनी हेक्‍याला सेम्‍सो थोप्‍हो़ना, खेक्‍याला सेम्‍सो थोप्‍कीलाक। धेनी हीकी ङ्याङङ्या दुक्‍पु च्‍योक्‍रे, खेक्‍याई होदे दुक्‍पुगो शो़पा झ्‍येरी घोमाराङ, खेक्‍यागीयाः होदेराङ सेम्‍सो ङ्यामङ्युङ झ्‍यीगीलाक।

२ कोरीन्‍थुपा 11:11

ङी देरे घीझ्‍येरी झ्‍यीदाले? ङी खेक्‍याला चेवा मेगीन झ्‍येरी लाक से? ङी खेक्‍याला चेवा हो़गीनगो को़न्‍क्षोक खेन्‍दालाक।

२ कोरीन्‍थुपा 12:14

धा ङा खीकीचारु थेङमा सुम्‍बागो, हुङयेला डाढीक हो़क। धेनी ङा खीकी क्षीदु घाक्‍वा झ्‍युङयेमेन घीझ्‍येरी ॱनाना ङा खीकी ग्‍युनोर मेन्‍दा, खेक्‍याला चालाहीन। घीझ्‍येरी ॱनाना टुवागी फामी क्षीदु मेन्‍दा, फामागी टुवागी क्षीदु ग्‍यु साक घोवालाक।

२ कोरीन्‍थुपा 12:9

हीना खोङबागी ङाला सुजुङ, “ङी थुक्‍जे ख्‍यी़ क्षीदु छाङयेहो़क घीझ्‍येरी ॱनाना ङी नी़थु नी, क्‍योवागी नाङला छाङगो झ्‍युङालाक।” होझ्‍येरी मास्‍यीकागी नी़थु ङी नाङदु ॱनेलास्‍योक ॱनेरी, ङा ङारी थापक्‍योवागोला ॱयोल्‍ले घाटो झ्‍येरी ङोम्‍सो झ्‍यीयेहीन।

२ कोरीन्‍थुपा 2:3

ङा खेक्‍याचारु हुङी घाङला, ङी सेम घारु च्‍युक घोये हीन्‍गीन, खेक्‍याई ङी सेम क्‍योरु ॱमीच्‍युक्‍येगी क्षीदु, ङी होदे लाबक्‍या ढीक्‍पी। धेनी ङी घाटो नी, खेक्‍या घीरीगी घाटो झ्‍युङगीलाक ॱनेरी, खेक्‍या घीरी खाला ङी यीच्‍चे तेन्‍पो हो़क।

२ कोरीन्‍थुपा 4:12

होझ्‍येरी छीवागी हीकी मीछेला लेगा झ्‍यीदालाक हीना छे नी, खेक्‍याई मीछेला लेगा झ्‍यीदालाक।

२ कोरीन्‍थुपा 7:2

खेक्‍याई सेम नाङदु हेक्‍याला घोक्‍जा तेर। हीकी सुला ॱनो़ ॱमाक्‍या। धेनी हीकी सुला ॱमाली़ धेनी हीकी सुला ॱहाम्‍बा माझ्‍ये।

२ कोरीन्‍थुपा 7:3

खेक्‍याला क्‍यो़न चुक्‍येला, ङी देक्‍या ॱनामेन घीझ्‍येरी ॱनाना खेक्‍या हीकी सेम नाङला हो़गीन धाङ खीकीमुला स्‍यी घोनाः, धेघोनाः हेक्‍या डाढीक हो़क ॱनेरी, ङी खेक्‍याला एन्‍दुरु ॱनेवी।

गालातीयापा 4:10

खेक्‍या ङीमा धाङ दावा धाङ धी़शाङ धाङ लोक्‍या चीलालाक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

१ थेसालोनीकेपा 2:8

हेक्‍याई खेक्‍याला ॱमीच्‍यीकी चेवा झ्‍येरी, खेक्‍याला को़न्‍क्षोकगी ताम्‍शाङ च्‍यीगा मेन्‍दा राङगी ॱरोकगोवा झ्‍यीम्‍बा ताङयेला डाढीक झ्‍युवी घीझ्‍येरी ॱनाना खेक्‍या हीकी चेवे पी़न झ्‍युवालाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।