२ कोरीन्‍थुपा 12:14 - ॱलोवा

¹⁴ धा ङा खीकीचारु थेङमा सुम्‍बागो, हुङयेला डाढीक हो़क। धेनी ङा खीकी क्षीदु घाक्‍वा झ्‍युङयेमेन घीझ्‍येरी ॱनाना ङा खीकी ग्‍युनोर मेन्‍दा, खेक्‍याला चालाहीन। घीझ्‍येरी ॱनाना टुवागी फामी क्षीदु मेन्‍दा, फामागी टुवागी क्षीदु ग्‍यु साक घोवालाक।

२ कोरीन्‍थुपा 12:14 Iomraidhean Croise

जेपा 20:33

ङी मी सी़याः सेर धाङ ॱङु धाङ घोलाकगी दो़पा माझ्‍ये।

१ कोरीन्‍थुपा 10:24

मी सी़याः राङगी फेन्‍थोक ॱमेचाला श्‍येम्‍मागी फेन्‍थोक चाघो़।

१ कोरीन्‍थुपा 11:34

धेनी मुला जोमाराङ खेक्‍याला ठीम ॱमेफोक्‍येगी क्षीला, खेक्‍याने तोक्‍कीन रे हो़ना होदेगी राङगी खीमदु शाघो़। धेनी दो़न श्‍येम्‍माक्‍याई कोरला, ङा हुङाराङ खेक्‍याला ॱलापच्‍या तेरयेहीन।

१ कोरीन्‍थुपा 16:5

धेनी ङा माकेडोनीयाने डोये हीन्‍गीन झ्‍येरी, ङा होदुरु सोसारती खीकीचारु हुङाहीन।

१ कोरीन्‍थुपा 4:19

हीना चोवोगी थुकोङ हो़ना, ङा खीकीचारु ग्‍योक्‍जे हुङाहीन। धेनी ङा होदे राङडा क्षे मीक्‍याई लाबक्‍या च्‍यीगा मेन्‍दा, हीना खुङक्‍याई नी़थुगो घी ले ॱनेरी, ङा चाजो़ झ्‍यीयेहीन।

१ कोरीन्‍थुपा 9:12

श्‍येम्‍माक्‍याला खीकी हुङघुङने रोक्‍राम थोप्‍येगी आङजा हो़ना, हेक्‍याला देले क्षे आङजा हो़तामाले? घीहीन्‍ना हीकी दे आङजागी भेचो़ माझ्‍येहो़क हीना मास्‍यीकागी ताम्‍शाङला ॱनो़ ॱमेक्‍यायेगी क्षीदु, हेक्‍या दो़न घीरीला शो़गोम झ्‍यीदीहो़क।

१ कोरीन्‍थुपा 9:18

धा ॱहाना ङी ज्‍यागागो घी ले? ताम्‍शाङ स्‍येयेगी लेगाला ङारी आङजागी थोप्‍ताङ ॱमेचाला धेनी रीङ मेलेन्‍दा ताम्‍शाङ स्‍येये राक्‍ये दे, च्‍यीगा ङी ज्‍यागा लाक।

१ कोरीन्‍थुपा 9:19

ङा मी सी़याः होकदु मेनाः हीना मी माङागी सेम क्‍योप्‍येगी क्षीदु, ङा ङाराङ घीरीगी ॱयोक्‍पो झ्‍युहो़क।

२ कोरीन्‍थुपा 1:15

दे लाब दे ङाला तेन्‍देन स्‍येये झ्‍येरी, खेक्‍याला धाब्‍ले झ्‍यीलाप थोप्‍पास्‍योक ॱनेरी, ङा एन्‍ला खीकीचारु हुङयेगी दो़पा झ्‍येवी।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 12:13

श्‍येम्‍मा क्षो़छोकक्‍याने खेक्‍याला ङी घीन्‍गी थोकला ॱमावा चीजो? ङा खीकी क्षीदु घाक्‍वा माझ्‍यु। दे नोन्‍डुगी क्षीदु ङाला घोङपा तेर।

गालातीयापा 4:19

ङी चेवे टुवाक्‍याओ, खेक्‍या मास्‍यीकागी स्‍यीका च्‍योक्‍रे माझ्‍युङगीन थुक्‍पे, ङा खीकी क्षीला याङदा केशुकला हो़गीन च्‍योक्‍रे दुक।

फीलीप्‍पीपा 4:1

होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।

फीलीप्‍पीपा 4:17

ङा खीकी ॱङेन्‍बागी रेवा झ्‍यीदामेन हीना खीकी तेरकीनगोला, झ्‍यीलाप माङा रास्‍योक ॱनेरी, ङा दो़दीहो़क।

१ थेसालोनीकेपा 2:11

खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

१ थेसालोनीकेपा 2:8

हेक्‍याई खेक्‍याला ॱमीच्‍यीकी चेवा झ्‍येरी, खेक्‍याला को़न्‍क्षोकगी ताम्‍शाङ च्‍यीगा मेन्‍दा राङगी ॱरोकगोवा झ्‍यीम्‍बा ताङयेला डाढीक झ्‍युवी घीझ्‍येरी ॱनाना खेक्‍या हीकी चेवे पी़न झ्‍युवालाक।