२ कोरीन्‍थुपा 12:10 - ॱलोवा

¹⁰ होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ कोरीन्‍थुपा 12:10 Iomraidhean Croise

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

रोमापा 5:3

देचो़ च्‍यीगा मेन्‍दा, होराङ होरी दुक्‍ङेलला घाटो झ्‍यीदालाक घीझ्‍येरी ॱनाना दुक्‍ङेलगी शो़पा

१ कोरीन्‍थुपा 4:10

मास्‍यीकागी दो़न्‍दु हेक्‍या ॱलेन्‍पा धाङ खेक्‍या मास्‍यीकागी नाङ खेवा दुक। हेक्‍या नी, क्‍योवा हो़क हीना खेक्‍या स्‍युक्‍क्षे दुक। धेनी खेक्‍याला कुरती धाङ हेक्‍याला ॱमेबेप थोप्‍दुक।

२ कोरीन्‍थुपा 1:4

खोङबागी होराङक्‍याई दुङा घीरीला सेम्‍सो जेदालाक। धेनी को़न्‍क्षोकने होराङला थोप्‍था सेम्‍सो देनेराङ, होराङक्‍यागीयाः दुक्‍पु ङ्याङगीनक्‍याला सेम्‍सो पार थुक्‍कीलाक।

२ कोरीन्‍थुपा 10:18

घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

२ कोरीन्‍थुपा 12:9

हीना खोङबागी ङाला सुजुङ, “ङी थुक्‍जे ख्‍यी़ क्षीदु छाङयेहो़क घीझ्‍येरी ॱनाना ङी नी़थु नी, क्‍योवागी नाङला छाङगो झ्‍युङालाक।” होझ्‍येरी मास्‍यीकागी नी़थु ङी नाङदु ॱनेलास्‍योक ॱनेरी, ङा ङारी थापक्‍योवागोला ॱयोल्‍ले घाटो झ्‍येरी ङोम्‍सो झ्‍यीयेहीन।

२ कोरीन्‍थुपा 13:4

घीझ्‍येरी ॱनाना खोङबा क्‍योवा हो़ताराङ ग्‍याङस्‍यीङला क्‍याङबालाक हीना को़न्‍क्षोकगी नी़थुगी थोक्‍ने, खोङबा सो़न्‍पालाक। देरेराङ झ्‍येरी हेक्‍या खोङबागी नाङ क्‍योवा हो़क हीना खीकीमुला ढेवा झ्‍यीयेला, हेक्‍या को़न्‍क्षोकगी नी़थुगी थोक्‍ने, हेक्‍या खोङबा मुलाराङ सो़न्‍पो ॱनेगीलाक।

२ कोरीन्‍थुपा 13:9

धेनी हेक्‍या क्‍योवा झ्‍युङाराङ हीना खेक्‍या स्‍युक्‍क्षे झ्‍युङाराङ, हेक्‍या ङ्यामो घी हो़क। धेनी खीकी यारकेगी क्षीदु हेक्‍या ॱमो़लाम ग्‍यावीहो़क।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

एफीसुपा 6:10

थाःला, खेक्‍या चोवो धाङ खोङबागी नी़थुगी तोप नाङला स्‍युक्‍क्षे झ्‍युङ।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

२ थेसालोनीकेपा 1:4

खीकी दुक्‍ङेलक्‍या धाङ ङ्याङेनक्‍या खोकला शो़पा झ्‍येरी, धेपाला तेन्‍पो झ्‍येरी, हेक्‍या च्‍योई को़न्‍क्षोकगी क्षो़छोकक्‍याई खोक्‍दु ङोमी हो़क।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

याकोब 1:2

ङी पी़नक्‍याओ, खेक्‍याला काङे ॱनाछोक ठेदी घाङला, होदेला घाटो क्षे ची च्‍यीक।

ॱङो़न्‍पा 2:3

धेनी ङी मीङगी दो़न्‍दु खेक्‍याई शो़पा घोम्‍गीन धाङ दुक्‍पु ङ्याङगीनगो, ङाला स्‍येयेहो़क। धेनी खेक्‍या धोराङा थाङ ॱमाछेदुक।