२ कोरीन्‍थुपा 12:1 - ॱलोवा

¹ ङी ङोम्‍सो झ्‍यीराङ घोगुलाक। देने ङाला फेन्‍ये घीया मेना, चोवोने थोप्‍था थोङनाङक्‍या धाङ साल्‍तो़नक्‍याई कोरला ङा स्‍येयेहीन।

२ कोरीन्‍थुपा 12:1 Iomraidhean Croise

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 18:14

कायाफागो, “मीमाङक्‍याई दो़न्‍दु मी च्‍यीक स्‍यीना घागुलाक” ॱनेरी, याहुदापाक्‍याला ॱलापच्‍या तेरकीनगो लाक।

जेपा 18:9

छेन्‍मो च्‍यीक चोवोगी पाउलुला थोङनाङ च्‍यीकला सुवालाक, “माजीक धेनी खाबा माधेक। धेनी ताम्‍शाङ दे मीक्‍याला स्‍येदी सोङ।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

१ कोरीन्‍थुपा 10:23

खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक हीना घीरी फेन ॱमेथोक्‍वालाक। खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक, हीना घीरीगी यारके ॱमेताङालाक।

१ कोरीन्‍थुपा 14:6

धा पी़नक्‍याओ, खीकीचारु ङा केरीक श्‍येम्‍माला लाब ताङी होरी, धेनी खेक्‍याई खोक्‍दु को़न्‍क्षोकगी कागी साङवागो ॱङो़न्‍ये याङना स्‍येयो़न याङना ॱङो़नस्‍ये याङना ॱलापच्‍या घीया खेरती मेयोङना, ङाने खेक्‍याला घी फेन्‍थोक्‍कीलाक से?

१ कोरीन्‍थुपा 6:12

खेक्‍या “ङी घी झ्‍यीना झ्‍यी क्षोक्‍वालाक।” ॱनेरी ॱनालाक हीना दो़न घीरी फेन ॱमेथोक्‍वालाक। “ङी घी झ्‍यीना झ्‍यी क्षोक्‍वालाक।” ॱनेरी, ङी ॱना थुक्‍कीलाक हीना ङा वाङ घीन्‍गीया होकदु छी़दी मेधे।

२ कोरीन्‍थुपा 12:11

ङा कुक्‍पा झ्‍युहो़क। देरे झ्‍यीयेला खीकी ङाला उजुक झ्‍यीदु च्‍युक्‍जुङ। खेक्‍याने ङाला तो़टा थोप घोयेहो़क घीझ्‍येरी ॱनाना ङा घी च्‍यीया मेन्‍नाः, खाक्‍क्षे कुछापक्‍याने ङा ॱमावा मेन।

२ कोरीन्‍थुपा 12:5

होदे मीगी क्षीला ङा ङोम्‍सो झ्‍यीदाहीन हीना ङाराङगी क्षीदु ङा ङारी क्‍योवाक्‍याई कोरला माना, श्‍येम्‍माला ङोम्‍सो झ्‍यीयेमेन।

२ कोरीन्‍थुपा 12:7

ङाला ॱङो़न्‍गीन साल्‍तो़नगो ग्‍याक्षे झ्‍येरी, ङा राङला ॱमीच्‍यीकी क्षे ॱमाचीवास्‍योक ॱनेरी, ङी ली़ला छेम्‍मा च्‍यीक ॱनाङसोङ। धेनी दे नी ङाला दुक्‍पु ताङयेला, धी़ सातानगी भाङछेन च्‍यीक लाक।

२ कोरीन्‍थुपा 12:9

हीना खोङबागी ङाला सुजुङ, “ङी थुक्‍जे ख्‍यी़ क्षीदु छाङयेहो़क घीझ्‍येरी ॱनाना ङी नी़थु नी, क्‍योवागी नाङला छाङगो झ्‍युङालाक।” होझ्‍येरी मास्‍यीकागी नी़थु ङी नाङदु ॱनेलास्‍योक ॱनेरी, ङा ङारी थापक्‍योवागोला ॱयोल्‍ले घाटो झ्‍येरी ङोम्‍सो झ्‍यीयेहीन।

२ कोरीन्‍थुपा 8:10

धा खीकी फेन्‍थोकगी क्षीला दो़न दी कोरला, ङा देरे ॱलापच्‍या तेराहीन, नाङी श्‍यान्‍देप पुगीन लेगा दे गो चुक्‍येला च्‍यीगा मेन्‍दा, हीना देरे झ्‍यीयेला दो़पा झ्‍यीगीनगोवाः, खेक्‍या धाङस्‍योक लाक।

गालातीयापा 1:12

घीझ्‍येरी ॱनाना ङाला दे मी सुनेः जोरपा मालाक धेनी सी़या ॱलाप्‍पा मालाक हीना येशु मास्‍यीकाला ॱङो़न्‍सुम ज्‍यारी, खोङबाने ङाला दे थोप्‍सुङ।

गालातीयापा 2:2

को़न्‍क्षोकगी ङाला तो़न्‍दा जेदी, ङा होदुरु सोवी। धेनी ङी झ्‍येजा धाङ झ्‍यीगीन लेगाक्‍या दो़न मेगीन माझ्‍युङास्‍योक ॱनेरी, ङा होदुरु हो़ती घाङला, ङी याहुदापा मेन्‍गीन मीरीकक्‍यामुला स्‍येगीन ताम्‍शाङगी़ कोरला, क्षो़छोकगी गोठीक्‍याला शुरला थुक्‍ती स्‍येवी।

एफीसुपा 3:3

को़न्‍क्षोकगी साङवा दे ङाला साल्‍तो़नगी थोक्‍ने, ॱङो़न्‍दु जेपालाक धेनी दी कोरला ङी एन्‍ला, खेक्‍याला दोरधी़ला ढीक हो़तालाक।

१ थेसालोनीकेपा 4:15

हेक्‍या खेक्‍याला चोवोगी काने देरे ॱनाहीन, चोवो फेवी घाङला सो़न्‍पो हो़गीनक्‍या ढोङसागीनक्‍या ले एन्‍ला को़न्‍क्षोकगी डुङदु मेडोगीलाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।