२ कोरीन्‍थुपा 11:31 - ॱलोवा

³¹ ङा शोक ॱमेस्‍येदालाक ॱनेरी, ग्‍युने ग्‍युन्‍दु तो़पा हो़गीन, चोवो येशुगी याप को़न्‍क्षोकगी खेन्‍दा जेदालाक।

२ कोरीन्‍थुपा 11:31 Iomraidhean Croise

योहान्‍ना 10:30

ङा धाङ याप नी च्‍यीक हीन।”

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

रोमापा 1:25

घीझ्‍येरी ॱनाना खुङक्‍याई को़न्‍क्षोकगी धेन्‍पागो शोकमुला ज्‍येवालाक। धेनी को़पापोगी छापला को़कागोला क्षाक्‍क्षो़पा पुये धाङ श्‍याप्‍ची श्‍युये झ्‍यीदालाक। खोङ को़पापो नी, धी़ तेन्‍दु झ्‍यीलाप्‍चेन लाक। आमेन।

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 15:6

धेनी दे नी खेक्‍या सेम्‍बा च्‍यीक्‍पा झ्‍युरी केक च्‍यीकला, को़न्‍क्षोक धाङ होरी चोवो येशु मास्‍यीकागी यापला तो़पा पुयेगी क्षीदु लाक।

रोमापा 9:1

मास्‍यीकागी नाङ ङा धेन्‍पा ॱनीहो़क, ङा शोक ॱनामेन। ङी स्‍येशाङगी, धाम्‍पे थुक्‍ङीगी थोक्‍ने ङाला धेन्‍पाङ झ्‍यीदीक।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

२ कोरीन्‍थुपा 1:23

खेक्‍याला घाक्‍वा मीझ्‍युङयेगी क्षीदु, ङा कोरीन्‍थुरु मायो धेनी दे लाब दे ङा को़न्‍क्षोकला पाङपो चुक्‍ती ॱनाहीन।

२ कोरीन्‍थुपा 1:3

होरी चोवो येशु मास्‍यीकागी को़न्‍क्षोक धाङ यापला तो़पा हुङास्‍योक धेनी ॱङीङजेचेनगी याप धाङ सेम्‍सो घीरीगी, को़न्‍क्षोकला तो़पा हुङास्‍योक।

२ कोरीन्‍थुपा 11:11

ङी देरे घीझ्‍येरी झ्‍यीदाले? ङी खेक्‍याला चेवा मेगीन झ्‍येरी लाक से? ङी खेक्‍याला चेवा हो़गीनगो को़न्‍क्षोक खेन्‍दालाक।

गालातीयापा 1:20

को़न्‍क्षोकगी दोङदु ङी खेक्‍याला ढीक्‍कीन, लाबक्‍या शोक्‍पो मेन।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

एफीसुपा 3:14

होझ्‍येरी ॱनाम्‍सा ॱङी नाङला हो़गीन, नाङमी रे-रेला यापने मीङ झ्‍युजा, खोङबागी डुङदु ङी पीमु साला चुक्‍ती ङा ॱमो़लाम श्‍यी़लाहीन।

कोलोसेपा 1:3

खीकी दो़नला ॱमो़लाम श्‍यी़ घाङला, हेक्‍या होरी चोवो येशु मास्‍यीकागी याप, को़न्‍क्षोकला च्‍योई काटीन्‍क्षे श्‍यी़हो़क।

१ थेसालोनीकेपा 2:5

हेक्‍याई खेक्‍याला नामा गो कोरकीन लाबक्‍या ॱमाता, धेनी घीन्‍गी थोक्‍ने दो़ङाम माझ्‍ये ॱनेरी, खेक्‍या स्‍येलालाक। को़न्‍क्षोकराङ पाङपो हीन।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।