२ कोरीन्‍थुपा 11:3 - ॱलोवा

³ हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

२ कोरीन्‍थुपा 11:3 Iomraidhean Croise

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 12:8

धेनी सेमस्‍युक तेरये हीन्‍ना सेमस्‍युक तेर धेनी ज्‍यीम्‍बा ताङये हीन्‍ना, ॱमेफाङा ज्‍यीम्‍बा तोङ धेनी गोदो़न झ्‍यीये हीन्‍ना, ॱङीङ थाक्‍पाने गोदो़न झ्‍यी धेनी ॱङीङजे तो़न्‍ये हीन्‍ना ङ्यामो घेरी तो़न।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 11:20

घीझ्‍येरी ॱनाना मीक्‍याई खेक्‍याला ॱयोक्‍पो शो़ना याङना खेक्‍याला हो़गीन घीरी ठोक्‍ना याङना खेक्‍याने खेब्‍साङ लेन्‍ना याङना खेक्‍याला ॱङ्याप्‍चो़ स्‍येना याङना खीकी डाबाला डाम्‍चा श्‍युरनाः, खेक्‍या शो़पा झ्‍यीदीक।

२ कोरीन्‍थुपा 11:29

क्‍योवा सु मेयोङा से धेनी ङा क्‍योवा मीझ्‍युङये? धीक्‍पा नाङदु सु ॱमाछी़ दुक से धेनी ङा खोङडो मेलाङये?

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

गालातीयापा 1:6

मास्‍यीकागी थुक्‍जेने भो़पा खेक्‍या देरे ग्‍योवा खोङला ङो ॱलोक्‍ती, ताम्‍शाङ श्‍येम्‍मागी स्‍याम्‍ला डागीनला ङा ॱहालेजुङ।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 3:1

गालातीयापा ॱलेन्‍पाक्‍याओ, खेक्‍याला सी़ थी़ ग्‍याप्‍जो? येशु मास्‍यीका ग्‍याङस्‍यीङ खाला ढोङगीनगो, खीकी ॱमीकगी दोङदु ङी सावो तो़न्‍गीनगो ढेन्‍बा मीदुई?

गालातीयापा 4:11

ङी खेक्‍याई क्षीला काल्‍ले झ्‍यीगीनगो, दो़न मेगीन झ्‍युवा हीन्‍ढु ॱनेरी ङाला दुङा हुङी।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

कोलोसेपा 2:4

मी सी़या खेक्‍याला ॱली़गीन ताम ॱङेन्‍बोगी गोकोर ॱमाताङास्‍योक ॱनेरी, ङा देरे ॱनाहीन।

कोलोसेपा 2:8

मी सु च्‍यीकगीया खेक्‍याला खुङ मेगीन धाङ ॱली़गीन ॱलापच्‍याक्‍याई थोक्‍ने, वाङदु धी़रु ॱमाच्‍युक। देक्‍या नी, मास्‍यीकागी थोक्‍ने मेन्‍दा, मीगी लुक्‍सो़ धाङ जीक्‍तेनगी तावाक्‍याला तेन्‍दालाक।

१ थेसालोनीकेपा 3:5

ॱली़गीनगी खेक्‍याला गोवा कोरती, हीकी काल्‍लेगो दो़न्‍दाक मेगीन लाहुङ साम्‍दी, खेक्‍याई धेपागी कोरला स्‍येयेला घुक ॱमाथुक्‍पा, तीमोथेउला ङी झावी।

१ तीमोथेउ 1:3

ङा माकेडोनीया युदु डी़ घाङला, ङी ख्‍यो़ला श्‍यी़गीन च्‍योक्‍रे होदुरु हो़गीन तावा शोक्‍पोगी क्षो़ ॱलाप्‍कीनक्‍याला ङेन्‍ता ताङयेला, ख्‍यो़ एफीसु ग्‍याजारु राङ धो़क।

१ तीमोथेउ 2:14

धेनी धी़कगी आदामला ॱली़वा मेन्‍दा भोमोला ॱली़वालाक धेनी भोमोगो धीक्‍पे नाङदु छी़वालाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

तीतोस 1:10

मी माङक्षे श्‍येम्‍मागी होकला मेधेगीन धाङ दो़न्‍दाक मेगीन लाब ताङगीन धाङ गो कोरकीन हुङालाक। होदेक्‍याई खोक्‍ने माङक्षे, पाउ चेगीन ॱरो झ्‍यी घो़गीलाक ॱनागीन मीक्‍या लाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

२ पेटो 3:17

होझ्‍येरी चेवेक्‍याओ, दो़न देक्‍या एन्‍लाराङ ॱहाघोरती शाप-शाप झ्‍यी। देरे झ्‍येरी ठीम मेगीन मीक्‍याई नोन्‍डुला गो ॱमाखोर धेनी राङगी ॱनेसा तेन्‍पोगो ॱलाक्‍तु ॱमाच्‍युक।

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।

१ योहान्‍ना 2:18

चेवे टुवाक्‍याओ, धान्‍दा धी़गी थामागो लाक। मास्‍यीकागी डागो हुङी ॱनेरी, खीकी ॱहाघोर ङ्युङ हो़तालाक धेनी धान्‍दा, मास्‍यीकागी डा माङा होसा हो़तालाक। होझ्‍येरी धी़गी थामागो ॱलेप्‍दुक ॱनेरी, होरी ॱहाघोरालाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।

ॱङो़न्‍पा 12:15

धेनी भोमोगोला क्षुगी ताक्‍तु च्‍युक्‍येला होदे डुकगी, राङगी खाने भोमोगी स्‍याबाला चाङबु च्‍योक्‍रे क्षु तो़न्‍बालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।