२ कोरीन्‍थुपा 11:26 - ॱलोवा

²⁶ थेङ माङा डु ग्‍याई घाङला, ङाला चाङबुक्‍याई ङेन्‍का धाङ ज्‍याक्‍पाक्‍याई ङेन्‍का धाङ ङारी याहुदापा मीक्‍या धाङ याहुदापा मेन्‍गीन मीक्‍याई ङेन्‍का धाङ ढोङखेरक्‍याई ङेन्‍का धाङ रीतोङक्‍याई ङेन्‍का धाङ ग्‍याछोगी ङेन्‍का धाङ पी़न शोक्‍पोक्‍याई ङेन्‍काक्‍या ठेजुङ।

२ कोरीन्‍थुपा 11:26 Iomraidhean Croise

जेपा 13:45

याहुदापाक्‍याई मीगी छाङगा देरे माङा थोरी, पाउलु धाङ बारनाबाखाला ठादोक झ्‍येवालाक। होदेक्‍याई पाउलुगी सुङगीनला क्षाले झ्‍येरी ॱमेटा पाप्‍पालाक।

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 14:19

होदे स्‍याम्‍ने आन्‍तीयोक धाङ ईकोनीयोन ग्‍याजाने, याहुदापा रीङगा होदुरु होवालाक धेनी खुङक्‍याई मीछोकगी घुङदु लाब शो़वालाक। खुङक्‍याई पाउलुला धोगोङगी श्‍युरपालाक धेनी खो स्‍यीवालाक साम्‍दी ढी़दी सोरी ग्‍याजा फीला तो़न्‍बालाक।

जेपा 14:5

याहुदापा मेन्‍गीनगी मीक्‍या धाङ याहुदापाक्‍या धाङ खुङक्‍याई पो़न्‍पोक्‍या रुप्‍ती, पाउलु धाङ बारनाबाला ॱङ्याप्‍चो़ स्‍येदी धोगोङ श्‍युरती सेये ढो़ झ्‍येवालाक।

जेपा 15:40

पाउलुगी राङला रोवा झ्‍यीयेला, सीलवानुला दाम्‍बालाक। होदे स्‍याम्‍ने धेपा-झ्‍यीगीन पी़नक्‍याई, खुङक्‍याला को़न्‍क्षोकगी ॱङीङजेगी क्षाकला पुवालाक धेनी खुङक्‍या सोवालाक।

जेपा 17:13

हीना पाउलुगी बेरोयादुवा को़न्‍क्षोकगी का स्‍येगीनगो, थेसालोनीके याहुदापाक्‍याई ॱहाघोरती, खुङक्‍या होदुरुवा होरी मीक्‍याला टुक्‍पालाक।

जेपा 17:5

हीना याहुदापा रीङगा ठादोक लारी ॱराङगाकगी मी ङेन्‍पाक्‍या ठीक्‍ती, ग्‍याजारु टुक्‍कीन लेगा झ्‍येवालाक। धेनी पाउलु धाङ सीलवानुला मीक्‍या दोङदु ठीक्‍ती हुङयेला, खुङक्‍या यासोनगी नाङला रुब्‍ती चारु सोवालाक।

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

जेपा 19:23

होदे धी़चो़ला चोवोगी लामगी कोरला, एफीसुरु ॱमीच्‍यीकी ठुक स्‍योरपालाक।

जेपा 20:19

याहुदापाक्‍याई ङाला खोक्‍पा झ्‍यीयेला ढो़ ॱना माङा झ्‍येहो़ना, ङी ॱमीच्‍यीकी ॱङ्यामच्‍युङा झ्‍युरी छीमाक तारी, चोवोगी श्‍याप्‍तोक श्‍युवी।

जेपा 20:3

होदुरु दावा सुम थुक्‍पे धेपालाक। होदे स्‍याम्‍ने पाउलुगी सीरीयाला ग्‍याछोने डोये साम्‍लो तावालाक। देरे डोये झ्‍यीदी घाङला, याहुदापाक्‍याई खी़ छीला ढो़ ङेन्‍पा झ्‍यीगीनगो खी़ ॱहाघोरती, खो धाब्‍ले माकेडोनीयाने घोबा चुक्‍ती डोये ढो़ झ्‍येवालाक।

जेपा 23:10

खुङक्‍याई धुगा ॱमीच्‍यीकी क्षेरु सोवालाक। धेनी होदुरु पाउलुला दुबु-दुबुला तारी सेगीलाक ॱनेरी, जीक्‍ती ॱमाक्‍पो़नगी खोला होदेने ठीक्‍ती, ॱमाक्‍खाङदु ठीक्‍ती डोयेला ॱमाक्‍मीक्‍याला का ॱनावालाक।

जेपा 25:3

धेनी पाउलुला लाम्‍गाला राङ सेये साम्‍दी, पाउलुला येरुसालेमदु झाङरोनाङ ॱनेरी श्‍योवा पुवालाक।

जेपा 27:42

ॱमाक्‍मीक्‍याई चो़न्‍पा सुवाः क्‍या ग्‍याप्‍ती डो़री माडोवास्‍योक ॱनेरी, घीरीला सेयेला ढो़ झ्‍येवालाक।

रोमापा 8:35

धा मास्‍यीकागी झाम्‍पाने होराङला सी़ खा टा थुक्‍कीले? घाक्‍वागी याङना काङेगी याङना दुक्‍ङेलगी याङना मुगेगी याङना घो़न्‍ये मेगीनगी याङना जीक्‍टागी याङना स्‍यीये जीक्‍टागी, होराङला खा टा थुक्‍कीलाक से?

१ कोरीन्‍थुपा 15:30

धेनी हेक्‍या घीझ्‍येरी छुची रे-रेला राङगी मीछे ङेन्‍काला ताङये?

१ कोरीन्‍थुपा 15:32

धा जीक्‍तेन्‍पा मी च्‍योक्‍रे, एफीसुदु सेम्‍चेनक्‍या च्‍योक्‍रे मुला ङी थाप्‍कीनगोने, ङाला घी फेन्‍थोक्‍जो से? धा छीवाने सो़न्‍पो झ्‍युङये मेन्‍ना, “होराङ शा-थुङ झ्‍यीदु, घीझ्‍येरी ॱनाना ॱङेटो नी होराङ स्‍यीगुलाक।”

२ कोरीन्‍थुपा 11:32

दामासेको ग्‍याजारु ग्‍यावु आरेतागी चीख्‍यापगी, ङाला शीम्‍येला दामासेको ग्‍याजागो ॱरुरी श्‍याक्‍पालाक।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।