२ कोरीन्‍थुपा 11:20 - ॱलोवा

²⁰ घीझ्‍येरी ॱनाना मीक्‍याई खेक्‍याला ॱयोक्‍पो शो़ना याङना खेक्‍याला हो़गीन घीरी ठोक्‍ना याङना खेक्‍याने खेब्‍साङ लेन्‍ना याङना खेक्‍याला ॱङ्याप्‍चो़ स्‍येना याङना खीकी डाबाला डाम्‍चा श्‍युरनाः, खेक्‍या शो़पा झ्‍यीदीक।

२ कोरीन्‍थुपा 11:20 Iomraidhean Croise

मारकु 12:40

खुङक्‍या युक्‍जामाक्‍याई खाङबा तोङबा तो़न्‍दी, मीला तो़न्‍येगी क्षीला ॱमीच्‍यीकी ॱमो़लाम रीङा ग्‍यावालाक। देरेक्‍याला ॱयोल्‍ले क्षे क्षेपा फोक्‍कीलाक।”

लुका 6:29

ख्‍यो़री डाबा च्‍यीकला डाम्‍चाक ग्‍याप्‍कीनला, श्‍येम्‍मागोवा शे। धेनी ख्‍यो़री फीघो़ ठोक्‍कीनगोला, ख्‍यो़री घो़ गोवा खेरतु च्‍युक।

१ कोरीन्‍थुपा 4:11

दे धी़ थुक्‍पे हेक्‍या फोवा तोक्‍ता धाङ खा कोम्‍गा धेनी घोलाक ॱरुल्‍दुक्‍पा घो़न्‍गा धाङ श्‍येम्‍मागी धुता धाङ राङ खाङबा मेगीन झ्‍युहो़क।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

२ कोरीन्‍थुपा 10:5

को़न्‍क्षोकगी स्‍येयो़नला काक्‍कीन चो़लीङक्‍या धाङ झ्‍यी़ङेनक्‍याला, हेक्‍या चामेदु ताङाहीन। धेनी साम्‍लो घीरीला मास्‍यीकागी काला ङेन्‍येला वाङ होकदु दुवालाक।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

२ कोरीन्‍थुपा 12:16

धेनी ङी खेक्‍याला घाक्‍वा माशो़ ॱनेरी, खेक्‍या क्षा श्‍यालाक। हीना रीङगाक्‍याई ङी खेक्‍याला चाङग्‍यु झ्‍येरी, गो कोरपालाक ॱनेरी सामालाक।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 4:25

हागारगी आराब युगी सीना रीला तो़न्‍दालाक धेनी धान्‍दागी येरुसालेमला क्षा श्‍याक्‍ना ढीक्‍कीलाक घीझ्‍येरी ॱनाना मो मोरी टुवाक्‍यामुला क्षो़ठीमगी ढेन्‍योकला दुक।

गालातीयापा 4:3

देरे च्‍योक्‍रे होराङक्‍या टुवा हो़ती घाङला, दे जाम्‍बुलीङगी ल्‍हाक्‍याई वाङगी होकला स्‍योर हो़तालाक।

गालातीयापा 4:9

हीना धान्‍दा खेक्‍याई को़न्‍क्षोकला ङोस्‍ये धेनी को़न्‍क्षोक राङगी खेक्‍याला ङो खेन्‍दीयाः, खेक्‍या घाङगी झ्‍येरी जाम्‍बुलीङगी नी़थु मेगीन धाङ फेन ॱमेथोक्‍कीन ल्‍हाक्‍या स्‍योकला लोक्‍ती, धाब्‍ले देक्‍याई ढेन्‍योक झ्‍यीये दो़पा झ्‍यीदाले?

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 5:10

खेक्‍या ङी तावाला माना श्‍येम्‍मा खेलेन्‍गीमालाक ॱनेरी, ङा चोवोला ॱलो कालाहीन। खेक्‍याला टुक्‍कीनगो सु हीन्‍ना, होदेला छेपा फोक्‍कीलाक।

गालातीयापा 6:12

राङला जीक्‍तेनदु ढा छाक्‍पोमा तो़न्‍ये दो़पा हो़गीनक्‍याई राङ, खेक्‍याला पाउ चेगीन ताक ग्‍याप्‍येला उजुक झ्‍यीये थापस्‍यी झ्‍यीदालाक। खुङक्‍या राङला मास्‍यीकागी ग्‍याङस्‍यीङगी झ्‍येरी दुक्‍पु मारास्‍योक ॱनेरी, च्‍यीगा देरे झ्‍यीदालाक।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

१ थेसालोनीकेपा 2:5

हेक्‍याई खेक्‍याला नामा गो कोरकीन लाबक्‍या ॱमाता, धेनी घीन्‍गी थोक्‍ने दो़ङाम माझ्‍ये ॱनेरी, खेक्‍या स्‍येलालाक। को़न्‍क्षोकराङ पाङपो हीन।