२ कोरीन्‍थुपा 11:15 - ॱलोवा

¹⁵ होझ्‍येरी खी़ ॱयोक्‍पोक्‍याई ढाङतेनगी ॱयोक्‍पोक्‍या च्‍योक्‍रे हीन्‍दोक-दोक झ्‍यीना, दे ॱहाङसागीन लाब मालाक। खुङक्‍याला खोरी लेगा च्‍योक्‍रेराङ ढेबु थोप्‍कीलाक।

२ कोरीन्‍थुपा 11:15 Iomraidhean Croise

जेपा 13:10

“ख्‍यो़ लाब शाङा घीरीगी डा लाक धेनी च्‍यो़पा आ धाङ शोकगी खाङखा धी़कगी टुवा लाक। ख्‍यो़ चोवोगी लाम शाङागो ॱनोयेला, नामा भोरये मेने?

रोमापा 2:6

को़न्‍क्षोकगी मी रे-रेला, राङगी लेगाला थी़न्‍गीन ढेबु ॱनाङगीलाक।

रोमापा 3:8

धेनी “शाङा झ्‍युङास्‍योक ॱनेरी ङेन्‍पा घीझ्‍येरी मीझ्‍यीये?” ॱनेरी, हेक्‍याई ॱनी ॱनेरी, मी रीङगागी हेक्‍याला ॱमेबेप तारी, क्‍यो़न चुक्‍वालाक। देरे ॱनागीनक्‍याला छेपा फोक्‍घोये दुक।

१ कोरीन्‍थुपा 9:11

हेक्‍याई खीकी खोक्‍दु सेम्‍ङीगी साङा ताप हो़ना, खीकी जीक्‍तेनगी हुङघुङने हीकी लोदोक धी़ ॱमेक्षोक्‍वाले?

२ कोरीन्‍थुपा 11:13

घीझ्‍येरी ॱनाना देरे मीक्‍या कुछाप शोक्‍पोक्‍या धाङ ॱली़टेगी लेगा झ्‍यीगीनक्‍या धाङ मास्‍यीकागी कुछाप हीन्‍दोक-दोक झ्‍यीगीनक्‍या लाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 3:9

घीझ्‍येरी ॱनाना छेपा कागीन क्षो़ठीमगो शीजेक्षे हो़ना, ढाङतेन जेगीन ताम्‍शाङगो ॱयोल्‍ले माङा शीजेक्षे हुङघो़।

एफीसुपा 6:12

घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।

ॱङो़न्‍पा 13:14

धेनी सेम्‍चेन धाङपोगी छापला ॱहाङसागीन ताकक्‍या तो़न्‍येगी नी़थु, खोला तेर हो़तालाक धेनी दी थोक्‍ने, होदेगी साश्‍यीगी मीक्‍याला ॱली़वालाक। धेनी राल्‍डीगी ॱमा शो़रीया सो़न्‍पो झ्‍युजा सेम्‍चेन धाङपोला, ॱमीक्‍ती कु शोयेला होदेगी मीक्‍याला कुवालाक।

ॱङो़न्‍पा 13:2

ङी थोथा सेम्‍चेनगो शीक च्‍योक्‍रे दुक धेनी होदेगी काङबागो, दोमगी काङबा धाङ खागो सीङगेगी खा च्‍योक्‍रे दुक। धेनी होदे डुकगी, होदे सेम्‍चेनगोला राङगी नी़थु धाङ राङगी ठी धाङ राङगी आङजा क्षेगो तेरपालाक।

ॱङो़न्‍पा 9:11

धेनी होदेक्‍याई ग्‍यावुगो, थी मेगीन दोङ-दोङगी भाङछेन दुक। ईब्‍रीपा केकला होदे भाङछेनगी मीङ आबेदो़न धेनी गीरीक केकला आपो़ल्‍यो़न लाक। होदे ॱनाना तोरस्‍यीक ताङगीन लाक।