२ कोरीन्‍थुपा 11:1 - ॱलोवा

¹ ङी च्‍यीमे च्‍यीक ॱलेन्‍दा झ्‍यीगीनगोला, खेक्‍या शो़पा गोम्‍ना ढीक्‍येदुक। शो़पा घोम्‍रो झ्‍यी ॱनेरी, ङा श्‍युवाहीन।

२ कोरीन्‍थुपा 11:1 Iomraidhean Croise

मेथा 17:17

धेनी येशुगी सुवालाक, “धेपा मीझ्‍यीगीन धाङ ङेन्‍पा मीरापक्‍याओ, ङा खेक्‍यामुला घाजो़ थुक्‍पे धेगुले? ङा खेक्‍याला नाम थुक्‍पे शो़पा झ्‍यीये? खोला ङाचारु ठीक्‍ती स्‍योक।”

जेपा 18:14

धेनी पाउलुगी लाब ताङये झ्‍यीदी घाङलाराङ, गाल्‍यो़नगी याहुदापाक्‍याला ॱनेवालाक, “याहुदापाक्‍याओ, दे लेगा दे लेगा आ धाङ ॱमीच्‍यीकी क्षे नोन्‍डु च्‍यीक हीन्‍ना, ङा खेक्‍याई श्‍योवा पुगीन देला ङेन्‍दी ठीम चेना ढीक्‍ये हो़तालाक।

जेपा 26:29

पाउलुगी ॱनेवालाक, “ग्‍योवा हीन्‍ना धाला हीन्‍ना, दे च्‍याकक्‍या च्‍यीगा माना, श्‍येम्‍मा खेराङ धाङ धीरीङ दुरु ङाला ङेन्‍गीन घीरी ङा च्‍योक्‍रे हुङवास्‍योक ॱनेरी, ङा को़न्‍क्षोकला ॱमो़लाम ग्‍यावाहीन।”

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 4:10

मास्‍यीकागी दो़न्‍दु हेक्‍या ॱलेन्‍पा धाङ खेक्‍या मास्‍यीकागी नाङ खेवा दुक। हेक्‍या नी, क्‍योवा हो़क हीना खेक्‍या स्‍युक्‍क्षे दुक। धेनी खेक्‍याला कुरती धाङ हेक्‍याला ॱमेबेप थोप्‍दुक।

१ कोरीन्‍थुपा 4:8

खेक्‍याला घो़गीन घीरी थोप्‍साले? खेक्‍या धा क्षुक्‍पु झ्‍युसाले? हेक्‍या मेना, खेक्‍या ग्‍यावु झ्‍युसाले? खेक्‍या ॱङोन्‍ने ग्‍यावु झ्‍युहो़ना ढीक्‍येहो़क धेनी हेक्‍याला खीकीमुला वाङ झ्‍यीये राक हो़टु।

२ कोरीन्‍थुपा 11:19

खेक्‍या नी ॱमीच्‍यीकी खेवा झ्‍युरी, ॱलेन्‍दाक्‍याला ङ्यामो घेरी शो़गोम झ्‍यीदीक।

२ कोरीन्‍थुपा 11:21

देरे लेगाक्‍या झ्‍यीयेला हेक्‍या ॱमीच्‍यीकी थापक्‍योवा हो़गीनगो, हेरी ङोछागी थोक्‍ने खेलेन झ्‍यीदाहीन। घीन्‍गी थोकला मी सी़ हीना ङोम्‍सो झ्‍यीयेगी ॱलोगोक झ्‍यीना, ङा होदेगी क्षीला ङोम्‍सो झ्‍यीयेगी ॱलोगोक झ्‍यीयेहीन। धा ङा कुक्‍पा च्‍योक्‍रे लाब ताङीहो़क।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

२ कोरीन्‍थुपा 12:11

ङा कुक्‍पा झ्‍युहो़क। देरे झ्‍यीयेला खीकी ङाला उजुक झ्‍यीदु च्‍युक्‍जुङ। खेक्‍याने ङाला तो़टा थोप घोयेहो़क घीझ्‍येरी ॱनाना ङा घी च्‍यीया मेन्‍नाः, खाक्‍क्षे कुछापक्‍याने ङा ॱमावा मेन।

२ कोरीन्‍थुपा 5:13

धा हेक्‍या रीक्‍पा मीशीम्‍गीन च्‍योक्‍रे हीन्‍ना, दे नी को़न्‍क्षोकगी क्षीदु लाक धेनी हेक्‍या रीक्‍पा शीम्‍दी धेहो़ना, होदे खेक्‍याई क्षीदु लाक।

ईब्‍रीपा 5:2

धेनी खो खोराङ थापक्‍योवा हो़गीन झ्‍येरी, हुरे ॱमेस्‍येगीन धाङ लाम नोरना मीक्‍यामुला ज्‍याबोमा ढेवा झ्‍यी थुक्‍वालाक।