२ कोरीन्‍थुपा 10:8 - ॱलोवा

⁸ घीझ्‍येरी ॱनाना खेक्‍याला ॱनो़ क्‍याये मेन्‍दा, हीना खेक्‍याला यारके ताङयेला चोवोगी हेक्‍याला ॱनाङना आङजागोला, ङी ङोम्‍सो आरुङ माङा झ्‍येहो़ना, ङा देला ङोछाये मेन।

२ कोरीन्‍थुपा 10:8 Iomraidhean Croise

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

२ कोरीन्‍थुपा 10:4

घीझ्‍येरी ॱनाना हेक्‍याई छो़न्‍छा नी, जीक्‍तेनगी छो़न्‍छा मालाक हीना हीकी छो़न्‍छाला, खारजोङक्‍या तोरस्‍यीक ताङ थुक्‍कीन, को़न्‍क्षोकगी नी़थु हो़क।

२ कोरीन्‍थुपा 10:9

ङी ढीक्‍टा यीक देक्‍याई खेक्‍याला जीक्‍टा कुगीनगो ङा मेदो़हो़क।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

२ कोरीन्‍थुपा 12:6

ङा ङोम्‍सोराङ झ्‍यीङी दो़हो़ना, ङा कुक्‍पा झ्‍युङगीमालाक घीझ्‍येरी ॱनाना ङी धेन्‍पागो राङ स्‍येगीलाक। हीना मी सी़या ङी नाङ थोङगीन धाङ ङाने घोरकीनने ल्‍हाक ङाला ॱमासामास्‍योक ॱनेरी, ङा ङोम्‍सो झ्‍यीयेने राङला काईहो़क।

२ कोरीन्‍थुपा 13:10

चोवोगी ङाला ॱनाङना आङजा दे, ङा खीकीचारु हुङाराङ चुक्‍वा झ्‍येरी भेचो़ झ्‍यी मेघोयेगी क्षीला, ङा खेक्‍या घुङदु मेताराङ, दे लाबक्‍या ढीयाहीन। आङ दे नी खेक्‍याला तोरयेला मेन्‍दा, खेक्‍याला यारके ताङयेगी क्षीदु ङाला ॱनावालाक।

२ कोरीन्‍थुपा 13:8

घीझ्‍येरी ॱनाना धेन्‍पाला गारी, हेक्‍या घीया झ्‍यी ॱमीथुक्‍वालाक हीना धेन्‍पागी क्षीदु च्‍यीगा झ्‍यी थुक्‍वालाक।

२ कोरीन्‍थुपा 7:14

धेनी खी़ दोङदु ङी खीकी कोरला ङोम्‍सो झ्‍येजागोला, ङा ङोजा घीया माझ्‍युजुङ। हीना हीकी खेक्‍याला स्‍येगीन घीरी धेन्‍पा हीन्‍गीन च्‍योक्‍रे, तीतोसगी दोङदु हीकी ङोम्‍सो झ्‍यीगीनगोवाः धेन्‍पा झ्‍युजुङ।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।