२ कोरीन्‍थुपा 10:2 - ॱलोवा

² हेक्‍याला जीक्‍तेनगी तावा च्‍योक्‍रे मीछे क्‍याली ॱनेरी, दोक्‍पा झ्‍यीगीन मीक्‍याला, ङा खीकीचारु हुङाराङ ङी तो़न्‍ये ॱनेरी साम्‍गीन ॱलोगोकगो मीज्‍यीया तो़न माघोवास्‍योक ॱनेरी, ङा खेक्‍याला श्‍योवा पुलाहीन।

२ कोरीन्‍थुपा 10:2 Iomraidhean Croise

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:4

दे नी, होराङ धीक्‍पे राङश्‍यीला तेन्‍दी मेन्‍दा हीना धाम्‍पे थुक्‍ङीला तेन्‍दी छोवा क्‍यागीनक्‍याई, क्षो़ठीमगी ढाङपो चीगीनगो ताक-ताक झ्‍यीदास्‍योक ॱनेरी, को़न्‍क्षोकगी जेपालाक।

रोमापा 8:5

धीक्‍पे राङश्‍यीला तेन्‍दी छोवा क्‍यागीनक्‍याई, धीक्‍पागी दो़नक्‍याला साम्‍लो ताङालाक हीना धाम्‍पे थुक्‍ङीला तेन्‍दी छोवा क्‍यागीनक्‍याई, थुक्‍ङीगी दो़नक्‍याला साम्‍लो ताङालाक।

२ कोरीन्‍थुपा 1:17

ङी देरे दो़पा झ्‍यीगीनगो तेन्‍पो मेगीन च्‍योक्‍रे दुक्‍ये? याङना धी़ च्‍यीकला राङ “लाक, लाक” धेनी “मालाक, मालाक” ॱनेरी जीक्‍तेनगी मीक्‍या च्‍योक्‍रे, ङी क्षास्‍यीक्‍या शो़ दुक्‍ये?

२ कोरीन्‍थुपा 11:21

देरे लेगाक्‍या झ्‍यीयेला हेक्‍या ॱमीच्‍यीकी थापक्‍योवा हो़गीनगो, हेरी ङोछागी थोक्‍ने खेलेन झ्‍यीदाहीन। घीन्‍गी थोकला मी सी़ हीना ङोम्‍सो झ्‍यीयेगी ॱलोगोक झ्‍यीना, ङा होदेगी क्षीला ङोम्‍सो झ्‍यीयेगी ॱलोगोक झ्‍यीयेहीन। धा ङा कुक्‍पा च्‍योक्‍रे लाब ताङीहो़क।

२ कोरीन्‍थुपा 13:10

चोवोगी ङाला ॱनाङना आङजा दे, ङा खीकीचारु हुङाराङ चुक्‍वा झ्‍येरी भेचो़ झ्‍यी मेघोयेगी क्षीला, ङा खेक्‍या घुङदु मेताराङ, दे लाबक्‍या ढीयाहीन। आङ दे नी खेक्‍याला तोरयेला मेन्‍दा, खेक्‍याला यारके ताङयेगी क्षीदु ङाला ॱनावालाक।

२ कोरीन्‍थुपा 13:2

थेङ ॱङीवागोला ङा खीकी घुङदु हो़ताराङ, ङी खेक्‍याला ङेन्‍ता ताता च्‍योक्‍रे, धा ङा खीकी घुङदु मेती घाङलाः, ङा खेक्‍याला धान्‍दा ङेन्‍ता तेराहीन। ङा धाब्‍ले हुङाराङ, एम्‍मा खे धीक्‍पा झ्‍यीगीनक्‍या धाङ श्‍येम्‍मा सुलाः ङा शो़पा मीझ्‍यी।