२ कोरीन्‍थुपा 10:18 - ॱलोवा

¹⁸ घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

२ कोरीन्‍थुपा 10:18 Iomraidhean Croise

लुका 16:15

खोङबागी होदेक्‍याला सुवालाक, “मीक्‍याई दोङदु राङला ढाङपो तो़न्‍गीनगो, खेराङक्‍याराङ लाक हीना को़न्‍क्षोकगी खीकी सेम खेन्‍दालाक। मीक्‍याई दोङदु थोवा चीगीनगो, को़न्‍क्षोकगी शीक्‍ताङला आम्‍लोवा हुङालाक।”

योहान्‍ना 12:43

घीझ्‍येरी ॱनाना खुङक्‍या को़न्‍क्षोकगी कुरती ले ल्‍हाक, मीगी कुरतीला क्षाक्‍पालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

रोमापा 14:18

धेनी दी गोने मास्‍यीकाला श्‍याप्‍ची श्‍युगीनगोला, को़न्‍क्षोकगी थुक्‍ङेउ चीगीलाक धेनी मीक्‍याः घागीलाक।

रोमापा 16:10

धेनी मास्‍यीकागी नाङ शाङपो चीचा, आपेलेला छाम्‍डी श्‍यी़। धेनी आरीस्‍तोबुलोगी नाङमीक्‍याला छाम्‍डी श्‍यी़।

रोमापा 2:29

हीना याहुदापा ॱङोन्‍नेगो सेम नाङने, याहुदापा हीन्‍गीनगो लाक धेनी पाउ चेगीन ॱरो ॱङोन्‍नेगो ढीक्‍टा क्षो़ठीमने मेन्‍दा, धाम्‍पे थुक्‍ङीगी थोक्‍ने झ्‍युङगीन सेम्‍ङीगी लाब लाक। देरे मीगी तो़टा नी, मीने मेन्‍दा को़न्‍क्षोकने झ्‍युङगीलाक।

१ कोरीन्‍थुपा 11:19

खेक्‍याने धेपाला तेन्‍पो हो़गीनक्‍या ॱङो़न्‍येगी क्षीदु, खीकी घुङदु स्‍योखाक भेये दे झ्‍युङघोयेदुक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 10:12

राङगी तो़टा राङ ताङगीन मी रीङगाक्‍यामुला, हेक्‍या हेराङला छे च्‍यीकला श्‍याक्‍ये याङना राङला खुङक्‍यामुला दुरयेगी ॱलोगोक मीझ्‍यीहो़क। हीना खुङक्‍या खोराङक्‍या नाङदु च्‍यीकगी च्‍यीकला छे ग्‍याराङ याङना दुराराङ, खोराङक्‍या ॱलेन्‍दा झ्‍युङालाक।

२ कोरीन्‍थुपा 13:7

खेक्‍याई लेगा ङेन्‍पा घीया मीझ्‍यीदास्‍योक ॱनेरी, हेक्‍या को़न्‍क्षोकला ॱमो़लाम श्‍यी़हो़क। दे नी हेक्‍या छो़ताने थारथा च्‍योक्‍रे, थोङयेगी क्षीदु मालाक हीना हेक्‍या छो़ताला ॱमेथारकीनगो थोङनाः, खेक्‍याई शाङा घी हीन्‍गीनगो झ्‍यीदास्‍योक ॱनेरी लाक।

२ कोरीन्‍थुपा 3:1

धा हेक्‍या याङ राङगी तो़टा ताङये गो चुक्‍ये? धेनी मी श्‍येम्‍माक्‍या च्‍योक्‍रे हेक्‍यालाः, खेक्‍याचारु याङना खेक्‍याने ङोटो़गी यीगी घोगुलाक से?

२ कोरीन्‍थुपा 5:12

हेक्‍या याङ खेक्‍याई दोङदु राङला तो़टा झ्‍यीदामेन हीना सेम नाङगी दो़नला मेन्‍दा, फीदी दो़नला ङोम्‍सो झ्‍यीगीन च्‍योक्‍रे, मीक्‍याला खेक्‍याई लेन तेर थुक्‍वास्‍योक ॱनेरी, खेक्‍याला हीकी खाला ङोम्‍सो झ्‍यीयेगी घुकाप हेक्‍या तेराहीन।

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

२ तीमोथेउ 2:15

ङो छामेघोगीन धाङ धेन्‍पागी का सावो ॱलाप्‍कीन लेजे च्‍योक्‍रे, राङगी राङला को़न्‍क्षोकगी डुङदु थुक्‍ङेउ झ्‍युङयेला घी थुप्‍तु थापस्‍यी झ्‍यी।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।