२ कोरीन्‍थुपा 10:14 - ॱलोवा

¹⁴ खेक्‍याचारु ॱलेया ॱमालेप्‍ला च्‍योक्‍रे, हेक्‍या लाबक्‍या पारती ङोम्‍सो मीझ्‍यीहो़क। घीझ्‍येरी ॱनाना खेक्‍याचारु मास्‍यीकागी ताम्‍शाङ खेरती हुङगीन धाङस्‍योकगो हेक्‍याराङ लाक।

२ कोरीन्‍थुपा 10:14 Iomraidhean Croise

मारकु 1:1

को़न्‍क्षोकगी से, येशु मास्‍यीकागी ताम्‍शाङ गो चुक्‍पा।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

१ कोरीन्‍थुपा 2:10

हीना देक्‍या नी, को़न्‍क्षोकगी होराङला धाम्‍पे थुक्‍ङीगी गोने ॱङो़न जे हो़तालाक। घीझ्‍येरी ॱनाना धाम्‍पे थुक्‍ङीगी दो़न घीरी धाङ को़न्‍क्षोकगी साङवा तीङरीङाक्‍याः चालालाक।

१ कोरीन्‍थुपा 3:10

को़न्‍क्षोकगी ङाला ॱनाङना थुक्‍जेगी गोने, ङी खाङबा शोगीन खेवा च्‍यीक च्‍योक्‍रे, खाङबी ॱमाङस्‍यीगो तीवी धेनी श्‍येम्‍माक्‍याई होदेगी खाला चीक्‍पा चीक्‍यी। हीना खाङबा चीक्‍कीन रे-रेगी, होदे चीक्‍यी घाङला दो़नाङ झ्‍यीघो़।

१ कोरीन्‍थुपा 4:15

मास्‍यीकागी थोक्‍ने, खेक्‍याला ताक्‍योङ झ्‍यीगीन मी ठी च्‍यीक हो़ना, खेक्‍याला आकीक्‍या माङा मेतालाक। घीझ्‍येरी ॱनाना मास्‍यीका येशुगी नाङ ताम्‍शाङगी गोने, ङा खीकी आकी झ्‍युवालाक।

२ कोरीन्‍थुपा 2:12

धा मास्‍यीकागी ताम्‍शाङ स्‍येयेला, ङा टोरोआसरु ॱलेवाराङ, चोवोगी ङी क्षीदु घुकाप च्‍यीक ॱनाङा जेसोङ,

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।