२ कोरीन्‍थुपा 10:13 - ॱलोवा

¹³ हीना हेक्‍या छे ग्‍याप्‍कागोने दारी, ङोम्‍सो मीझ्‍यी हीना खेक्‍या चारुराङ ॱलेप थुक्‍येगी क्षीदु, को़न्‍क्षोकगी हेक्‍याला ॱनाङना छे नाङदुराङ हेक्‍या धेदाहीन।

२ कोरीन्‍थुपा 10:13 Iomraidhean Croise

मेथा 25:15

खुङक्‍याई ज्‍यो़न्‍दाङला तेरी, दाक्‍पोगी़ धाङपोगोला सेरगी टाङगा ॱङातोङ धेनी ॱङीवागोला ङीतोङ धेनी सुम्‍बागोला च्‍यीकतोङ तेरपालाक। धेनी खो होदेने सोवालाक।

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

रोमापा 12:6

होराङ रे-रेला ॱनाङना थुक्‍जेगी लेगेनला तेन्‍दी, होराङक्‍याला ॱनाङज्‍यीन ढामेढाक्‍या हो़तालाक। धा ख्‍यी़ ॱनाङज्‍यीनगो ॱङोई स्‍येये हीन्‍ना ख्‍यो़री धेपाला तेन्‍दी ॱङोई स्‍यो़क,

रोमापा 15:20

धेनी मी श्‍येम्‍मागी तीङ सासा ॱमाङस्‍यीगी खाला, खाङबा ॱमीचीक्‍येगी क्षीदु ङी च्‍योई मास्‍यीकागी छेन ॱमेस्‍येगीन, साजाक्‍याला च्‍यीगा ताम्‍शाङ स्‍येयेगी दो़पा श्‍याक्‍पी।

१ कोरीन्‍थुपा 12:11

दे क्षाक्‍ले घीरी धाम्‍पे थुक्‍ङी च्‍यीकगी राङ जेदालाक धेनी खोङगी राङगी थुकोङगी थोक्‍ने मी रे-रेला देक्‍या ॱनाङालाक।

एफीसुपा 4:7

हीना थुक्‍जेगो होराङ रे-रेला मास्‍यीकागी ॱनाङज्‍यीनगी, छेला तेन्‍दी ॱनाङ हो़तालाक।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।