२ कोरीन्‍थुपा 10:10 - ॱलोवा

¹⁰ घीझ्‍येरी ॱनाना “खी़ यीकक्‍या ॱमीच्‍यीकी चुवा धाङ स्‍युक्‍क्षे दुक हीना ङो ठेदाराङ खो क्‍योवा दुक धेनी खी़ लाबक्‍या क्षोमेगीन दुक” ॱनेरी रीङगागी ॱनी।

२ कोरीन्‍थुपा 10:10 Iomraidhean Croise

१ कोरीन्‍थुपा 1:17

घीझ्‍येरी ॱनाना मास्‍यीकागी ङाला ठी़सो़ तेरतु मेन्‍दा, ताम्‍शाङ स्‍येयेगी क्षीदु ॱङाक जेपालाक। धेनी दे नी, जीक्‍तेन्‍पा स्‍येरापगी तामक्‍याने मालाक। देरे हीन्‍ना मास्‍यीकागी ग्‍याङस्‍यीङला कु ढोङगीनगो दो़न्‍मेदु डोये हो़क।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 10:11

हेक्‍या होदुरु मेती घाङला, हेरी यीक गोने घी ॱनागीनगो हेक्‍या हो़ती घाङला, होदे च्‍योक्‍रे झ्‍यीदीहो़क ॱनेरी, हुरे मीक्‍याई स्‍येघो़।

२ कोरीन्‍थुपा 10:9

ङी ढीक्‍टा यीक देक्‍याई खेक्‍याला जीक्‍टा कुगीनगो ङा मेदो़हो़क।

२ कोरीन्‍थुपा 11:21

देरे लेगाक्‍या झ्‍यीयेला हेक्‍या ॱमीच्‍यीकी थापक्‍योवा हो़गीनगो, हेरी ङोछागी थोक्‍ने खेलेन झ्‍यीदाहीन। घीन्‍गी थोकला मी सी़ हीना ङोम्‍सो झ्‍यीयेगी ॱलोगोक झ्‍यीना, ङा होदेगी क्षीला ङोम्‍सो झ्‍यीयेगी ॱलोगोक झ्‍यीयेहीन। धा ङा कुक्‍पा च्‍योक्‍रे लाब ताङीहो़क।

२ कोरीन्‍थुपा 11:6

ङा लाब ताङयेला खेवा मेना, ङाला स्‍येयो़न ॱमेछाङगीन मेक। धेनी दे दो़न घीरीला हीकी खेक्‍याला सावो तो़न्‍होक।

२ कोरीन्‍थुपा 13:3

घीझ्‍येरी ॱनाना मास्‍यीकागी ङी थोक्‍ने, कामो़न सुङगीनगी पाङपोगो खेक्‍या चालालाक। धेनी खीकीमुला ढेवा जेदाराङ खोङबा क्‍योवा मेतालाक हीना खीकी घुङदु खोङबा स्‍युक्‍क्षे हो़तालाक।