२ कोरीन्‍थुपा 1:21 - ॱलोवा

²¹ धा हेक्‍याला खीकीमुला मास्‍यीका येशुगी नाङ तेन्‍पो जेगीन धाङ हेक्‍याला दामा जेगीनगो को़न्‍क्षोक लाक।

२ कोरीन्‍थुपा 1:21 Iomraidhean Croise

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 8:9

धा ॱङोन्‍ने को़न्‍क्षोकगी थुक्‍ङी खेक्‍याई नाङ श्‍युक हो़ना, खेक्‍या धीक्‍पे राङश्‍यीगी नाङ मेयोङालाक हीना धाम्‍पे थुक्‍ङीगी नाङ हुङालाक। धेनी मास्‍यीकागी थुक्‍ङी मेगीनक्‍या सुवाः खोङबागी मालाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

२ कोरीन्‍थुपा 5:5

धेनी होराङला दे राङगी क्षीदु डाढीक जेगीनगो को़न्‍क्षोक लाक। धेनी खोङ राङगी होराङला गेलेनगी क्षीदु धाम्‍पे थुक्‍ङी ॱनाङा जेपालाक।

कोलोसेपा 2:7

धेनी खोङगी नाङ चावा तीङ रीङबो चुक धेनी खोङगी खाला, खेरी मीछेगी ॱमाङस्‍यी चीक धेनी खेक्‍याला ॱलाप्‍ला च्‍योक्‍रे, खेरी धेपा स्‍युक्‍क्षेरु तोङ। धेनी काटीन्‍क्षे श्‍यी़येला माङदु तोङ।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

२ थेसालोनीकेपा 2:17

खेक्‍याला सेम्‍सो ॱनाङास्‍योक धेनी च्‍योई ले शाङपो झ्‍यीये धाङ ढाङपो स्‍येयेला, स्‍युक ॱनाङास्‍योक।

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

२ थेसालोनीकेपा 3:3

हीना चोवो नी, ॱलो का थुप्‍कीनगी चोवो लाक। खोङबागी खेक्‍याला तेन्‍पो जेगीलाक धेनी ङेन्‍पाने ॱरुङा जेगीलाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ योहान्‍ना 2:20

हीना धाम्‍पा हीन्‍गीनगी थोक्‍ने, खेक्‍याला धाम्‍पे थुक्‍ङीगी वाङ थोप हो़तालाक धेनी खेक्‍या घीरीगी धेन्‍पागो ॱहाघोरालाक।

१ योहान्‍ना 2:27

याङ मास्‍यीकाने थोप्‍था धाम्‍पे थुक्‍ङीगी वाङ नी, खीकी सेमला ॱनेहो़गीन झ्‍येरी, खेक्‍याला सी़या ॱलाप मेघो़। घीझ्‍येरी ॱनाना धाम्‍पे थुक्‍ङीगी खेक्‍याला दो़न घीरीगी कोरला सुङालाक धेनी खोङगी ॱनाङगीन वाङ नी, शोक्‍पो मेन्‍दा धेन्‍पा लाक। होझ्‍येरी खोङगी सुङगीन च्‍योक्‍रे, खोङ नाङला खेक्‍या ॱनेती धो़क।

ॱङो़न्‍पा 1:6

धेनी होराङला खोङगी याप को़न्‍क्षोकला श्‍याप्‍ची श्‍युयेला, ग्‍यासी धाङ क्षो़पो़न जेगीन, खोङबाला शीजे धाङ वाङ ग्‍युने ग्‍युन्‍दु हुङवास्‍योक। आमेन।

ॱङो़न्‍पा 3:18

होझ्‍येरी ख्‍यो़ क्षुक्‍पु झ्‍युङयेगी क्षीदु, ङाने मेगी चाङमा शो़सा सेर धाङ राङगी ॱमाराङा झ्‍युजागी ङोजा काप्‍येगी क्षीदु, घो़ काउ धाङ ख्‍यो़ थोङ थुक्‍येगी क्षीदु ख्‍यी़ ॱमीकला ॱमेन, ङाने ङ्यो़ ॱनेरी, ङा ख्‍यो़ला ॱलापच्‍या तेराहीन।