२ कोरीन्‍थुपा 1:20 - ॱलोवा

²⁰ घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

२ कोरीन्‍थुपा 1:20 Iomraidhean Croise

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

रोमापा 11:36

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

१ कोरीन्‍थुपा 14:16

देरे मेन्‍ना, ख्‍यी़ सेम्‍ङीने को़न्‍क्षोकला तो़टा ताङाराङ, ॱहामेघोगीन फीदी मीगी ख्‍यी़ काटीन्‍क्षे श्‍यी़गीन ॱमो़लाम स्‍याम्‍ने, ख्‍यी़ श्‍यी़गीनगो घीया ॱहामेघोरकीन झ्‍येरी घाङगी झ्‍येरी “आमेन” ॱनाये?

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

२ थेसालोनीकेपा 1:10

दे नी चोवो फेप्‍कीन ङीमाला झ्‍युङगीलाक। होदे ङीङमो खोङबाला राङगी धाम्‍पे मीक्‍याने, शीजे थोप्‍कीलाक धेनी धेपा झ्‍यीगीन घीरीने तो़पा राक्‍कीलाक। मी देक्‍या नाङ खेक्‍या छी़गीलाक घीझ्‍येरी ॱनाना खेक्‍याई हीकी तेरता पाङपोक्‍याला धेपा झ्‍येवालाक।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 13:8

येशु मास्‍यीका नी, दाङ धाङ धीरीङ धाङ धी़ ग्‍युनगी क्षीदु मीग्‍युरा श्‍युक्‍वालाक।

ईब्‍रीपा 7:6

हीना लेवी ग्‍युपाने मेन्‍गीन, मेल्‍कीजेदेकगी आब्‍राहामने ग्‍याजा च्‍यु धी़वालाक। धेनी को़न्‍क्षोकगी धाम्‍चा थोप्‍था, आब्‍राहामला खी़ झ्‍यीलाप ॱनावालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

१ योहान्‍ना 5:11

धेनी पाङपोगो नी, को़न्‍क्षोकगी होराङला थामेपे छेसोक ॱनाङ हो़तालाक धेनी छे दे खोङगी से नाङ हो़तालाक।

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।

ॱङो़न्‍पा 7:12

“आमेन। तो़पा धाङ शीजे, स्‍येराप धाङ काटीन धाङ कुरती, वाङ धाङ नी़थु, होरी को़न्‍क्षोकला ग्‍युने ग्‍युन्‍दु हुङवास्‍योक। आमेन।”