Biblia Todo Logo
Bìoball air-loidhne

- Sanasan -




२ कोरीन्‍थुपा 1:14 - ॱलोवा

14 धेनी खेक्‍याई हीकी कोरला तीते च्‍यीक ॱहाघोरसागीन झ्‍येरी, धा हीकी कोरला घीरी ॱहाघोरास्‍योक ॱनेरी, ङी रेवा हो़क। धेनी चोवो येशु याङ फेप्‍ये हीन्‍गीन ङीमाला, हेक्‍याई खीकी क्षीला ङोम्‍सो झ्‍यीगीन च्‍योक्‍रे, खेक्‍यागीयाः हीकी क्षीला ङोम्‍सो झ्‍यी थुक्‍कीलाक।

Faic an caibideil Dèan lethbhreac




२ कोरीन्‍थुपा 1:14
16 Iomraidhean Croise  

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।


धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।


घीझ्‍येरी ॱनाना धाङपोगो, खेक्‍या क्षो़छोकदु मुला जोमाराङ, खीकी नाङदु स्‍योखाक भेगीनगो ङी घोरजुङ। धेनी देला ङी यीच्‍चे च्‍ये दुक।


पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।


धा मी च्‍यीकगी सेम क्‍योरु च्‍युक हो़ना, खी़ ङी सेम क्‍योरु च्‍युक्‍पामालाक हीना च्‍ये च्‍यीक हीन्‍ना, खेक्‍या घीरीगी सेम क्‍योरु च्‍युक्‍पालाक। धेनी ङा देले ल्‍हाक पारती ॱमेना।


हेक्‍या याङ खेक्‍याई दोङदु राङला तो़टा झ्‍यीदामेन हीना सेम नाङगी दो़नला मेन्‍दा, फीदी दो़नला ङोम्‍सो झ्‍यीगीन च्‍योक्‍रे, मीक्‍याला खेक्‍याई लेन तेर थुक्‍वास्‍योक ॱनेरी, खेक्‍याला हीकी खाला ङोम्‍सो झ्‍यीयेगी घुकाप हेक्‍या तेराहीन।


घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।


खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।


होझ्‍येरी ङा खीकीचारु धाब्‍ले हुङी घाङला, ङी केनगी खेक्‍याला मास्‍यीका येशु खाला ङोम्‍सो झ्‍यीयेगी दो़न माङा थोप्‍कीलाक।


धेनी खीकी नाङ ले शाङा गो चुक्‍कीन, को़न्‍क्षोक खोङगीराङ मास्‍यीका येशु फेप्‍कीन ङीमा थुक्‍पे, दी लेगा दे डुप्‍पा जेगीलाक ॱनेरी, ङा ॱलोते हो़क।


छेसोकगी काला तेन्‍पो झ्‍येरी, शीम्‍दी धो़क। धेनी ङा ॱहाला-छुला ग्‍युक्‍कीन धाङ काल्‍ले ग्‍याप्‍कीनगो दो़न्‍मेदु ॱमासोजुङ, ॱनेरी ङा मास्‍यीकागी ङीमाला ङोम्‍सो झ्‍यीये राक्‍कीलाक।


होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।


होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।


धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।


Lean sinn:

Sanasan


Sanasan