6 हीना क्षो़सेम धाङ मुला दो़पा खाङना, होदेराङ फेन क्षे लाक।
खोङबागी होदेक्याला सुवालाक, “शाप-शाप झ्यी, ॱहाबा झ्यीगीन लेगाक्याने च्याङजे झ्येरी धो़क, घीझ्येरी ॱनाना मीगी मीछे खोरी ग्यु माङा हो़गीनला च्यीगा रा मीली़लालक।”
धेनी ॱमाक्मीक्याई ढीवालाक, “हेक्यागो घी झ्यीये?” धेनी योहान्नागी खुङक्याला ॱनेवालाक, “जीक्टा कुरी धाङ क्यो़न शोक्पो चुक्ती, मी सुनेयाः आले ॱमाठोक। ख्यो़री ॱलागोला दो़पा खाङा झ्यी।”
धेनी को़न्क्षोकला झाम्पा झ्यीगीन धाङ खोङगी थुकोङला तेन्दी, भो़पाक्याई क्षीदु खोङगी दो़न घीरीला शाङा जेदालाकॱनेरी, होराङला स्येये हो़तालाक।
घीझ्येरी ॱनाना युन तुङागी दुक्पो याङा दी, हेक्याई क्षीदु दुरये मेगीन, थामेपे शीजेगो डाढीक झ्यीदी हो़तालाक।
घीझ्येरी ॱनाना ङी क्षीदु सो़न्पो धेयेगी दो़न नी, मास्यीका लाक धेनी छीवा नी खेब्साङ लाक।
घीझ्येरी ॱनाना ली़गी ली़चेल ज्योङदारगी तीते च्यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्येरी ॱनाना देगी धान्दागी छे धाङ छीमागी छे ॱङीगाराला, फेन्दोकगी धाम्चा ॱनाङालाक।
हीना होराङला शाग्यु धाङ घो़नग्यु हो़ना, देलाराङ होराङ दो़पा खाङा झ्यीगुलाक।
खेक्या ॱङुला सेम्बा ॱमाक्षाक धेनी राङला घी हो़गीनगोला, दो़पा खाङा झ्यी घीझ्येरी ॱनाना को़न्क्षोकगी सुङ हो़तालाक, “ङा खेक्याला नामा मेभोर, धेनी ङा खेक्याला नामा ॱमेपाङ।”
