१ तीमोथेउ 6:13 - ॱलोवा

¹³ ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

१ तीमोथेउ 6:13 Iomraidhean Croise

मेथा 27:11

धा येशु चीख्‍याप पीलातुगी डुङदु श्‍याङदु च्‍युक्‍ती, चीख्‍यापगी खोङला ढीवालाक, “ख्‍यो़ याहुदापाक्‍याई ग्‍यावु हीने?” येशुगी सुवालाक, “खेकीराङ सुजुङ।”

मेथा 27:2

धेनी खुङक्‍याई येशुला कीक्‍ती ठीक्‍ती सोरी, रोमापा चीख्‍याप पीलातुला ची ग्‍याप्‍पालाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 19:11

येशुगी खोला कालेन ॱनावालाक, “तो़ने ॱमानाङगीन थुक्‍पे, ङी थोकला खेराङला आङजा घीया मेतालाक। होझ्‍येरी खेराङगी लाकला ङाला ची ग्‍याप्‍कीनगोला, देले ल्‍हाक धीक्‍पा क्षे फोक्‍कीलाक।”

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 5:26

घीझ्‍येरी ॱनाना याप राङला छे हो़गीन च्‍योक्‍रे, खोङबागी सेलाः छे ॱनाङयेगी वाङ जेपालाक।

जेपा 17:25

धेनी मीगी लागागी पुपा चालाक घीन्‍दा, खोङबाला मेघोलालाक। हीना खोङबागीराङ मीक्‍याला घो़गीन मीछे धाङ उप धाङ श्‍येम्‍मा घो़गीन घीरी ॱनाङालाक।

२ कोरीन्‍थुपा 9:13

खेक्‍याई श्‍यान्‍देप पुगीन श्‍याप्‍तोकगी थोक्‍ने, खुङक्‍याई को़न्‍क्षोकला तो़पा पुगीलाक घीझ्‍येरी ॱनाना खेक्‍याई खुङक्‍या धाङ श्‍येम्‍मा घीरीला श्‍यान्‍देप पुगीनगी गोने, खेक्‍याई मास्‍यीकागी ताम्‍शाङला खेलेन झ्‍यीगीनगो पाङपो झ्‍यीदालाक।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।