१ तीमोथेउ 6:12 - ॱलोवा

¹² होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

१ तीमोथेउ 6:12 Iomraidhean Croise

२ कोरीन्‍थुपा 6:7

धाङ धेन्‍पे ताम धाङ को़न्‍क्षोकगी नी़थु धाङ लाक्‍पा ॱये धाङ ॱयो़नला ढाङतेनगी छो़न्‍छाक्‍या,

२ कोरीन्‍थुपा 9:13

खेक्‍याई श्‍यान्‍देप पुगीन श्‍याप्‍तोकगी थोक्‍ने, खुङक्‍याई को़न्‍क्षोकला तो़पा पुगीलाक घीझ्‍येरी ॱनाना खेक्‍याई खुङक्‍या धाङ श्‍येम्‍मा घीरीला श्‍यान्‍देप पुगीनगी गोने, खेक्‍याई मास्‍यीकागी ताम्‍शाङला खेलेन झ्‍यीगीनगो पाङपो झ्‍यीदालाक।

फीलीप्‍पीपा 1:30

धेनी खेक्‍याई ङी ङ्याङगीन दुक्‍पुगो, थोङ ङ्युङालाक धेनी धान्‍दा ङी ङ्याङगीनगो खीकी घोरालाक। दे दुक्‍पु देराङ खेक्‍याः ङ्याङी हो़तालाक।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

२ थेसालोनीकेपा 2:14

होरी चोवो येशु मास्‍यीकागी शीजे थोप्‍येला हीकी ताम्‍शाङगी थोक्‍ने, को़न्‍क्षोकगी खेक्‍याला दो़न देगी क्षीला भो़ जेपालाक।

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

१ तीमोथेउ 1:19

रीङगागी राङगी स्‍येराप शाङपोला मेङेन्‍दा, राङगी धेपाराङ मेताला तावालाक।

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

१ तीमोथेउ 6:19

देरे झ्‍येरी याङदाक्‍पा छेला ॱनेयेगी क्षीला राङगी क्षीला, माउपारला ॱमाङस्‍यी शाङा तीङास्‍योक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

२ तीमोथेउ 2:2

धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

२ तीमोथेउ 4:7

ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।

ईब्‍रीपा 13:23

होरी पी़न तीमोथेउ चो़न्‍खाङने थो़न्‍गीनगो, खेक्‍याई ॱहाघोकीनगो ङा दो़दीहो़क। धेनी खो ग्‍योक्‍वा ॱलेप्‍ना, ङा खी़मुला खेक्‍याला थुक्‍तु हुङाहीन।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 6:18

को़न्‍क्षोकगी ग्‍युरवा मेगीन धाम्‍चा धाङ ॱना ॱङीगारा ॱनाङा जेपालाक। घीझ्‍येरी ॱनाना को़न्‍क्षोकगी शोक सुङा मेजेदालाक। होझ्‍येरी होराङ खोङबाने क्‍याप थोप्‍थाक्‍या, होरी दोङदु हो़गीन रेवागोला तेन्‍पोमा ॱरुङयेला, सेमस्‍युक क्षे थोप हो़तालाक।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।