१ तीमोथेउ 5:8 - ॱलोवा

⁸ हीना राङगी पी़न्‍दाक्‍या धाङ ॱमीक्‍से राङगी नाङमीला ॱमेतागीनक्‍याई, राङगी धेपा पाङालाक धेनी खुङक्‍या धेपा मीझ्‍यीगीनक्‍याने दुक्‍वालाक।

१ तीमोथेउ 5:8 Iomraidhean Croise

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

मेथा 7:11

होझ्‍येरी खेक्‍या ङेन्‍पा झ्‍येरीया राङगी टुवाक्‍याला ॱङेन्‍बा शाङा तेर स्‍येना, नाम्‍खे श्‍यीङखामदु श्‍युक्‍कीन ख्‍यी़ यापगी, खोङला श्‍यी़गीनक्‍याला घाजो़ माङा शाङा हो़गीनक्‍या ॱनाङी हेटु।

योहान्‍ना 15:22

“ङा होरी खुङक्‍याला ॱमास्‍ये हो़ना, खुङक्‍याला धीक्‍पागी क्‍यो़न मेक हीना धा खुङक्‍याला खोरी धीक्‍पा माझ्‍येहो़क, ॱनायेगी ग्‍युम्‍जे मेक।

१ कोरीन्‍थुपा 6:6

हीना पी़न च्‍यीकगी च्‍यीकला ठीम्‍खाङदु ठीई धेनी होदेगोवाः मास्‍यीकावा मेन्‍गीनक्‍याई दोङदु!

२ कोरीन्‍थुपा 12:14

धा ङा खीकीचारु थेङमा सुम्‍बागो, हुङयेला डाढीक हो़क। धेनी ङा खीकी क्षीदु घाक्‍वा झ्‍युङयेमेन घीझ्‍येरी ॱनाना ङा खीकी ग्‍युनोर मेन्‍दा, खेक्‍याला चालाहीन। घीझ्‍येरी ॱनाना टुवागी फामी क्षीदु मेन्‍दा, फामागी टुवागी क्षीदु ग्‍यु साक घोवालाक।

२ कोरीन्‍थुपा 6:15

मास्‍यीका धाङ धी़ बेलीयार थी़न थुक्‍वाले? धेपा झ्‍यीगीनक्‍याई धेपा मीझ्‍यीगीनक्‍यामुला ढेवा घी हो़ताले?

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

२ तीमोथेउ 2:12

होराङ तेन्‍पो ॱनेती धेना, खोङबा मुलाराङ ग्‍यासीगी वाङ झ्‍यीगीलाक। होरी खोङबाला ग्‍याप ॱलोक्‍ना, खोङबागीया होराङला ग्‍याप ॱलोक्‍वा जेगीलाक।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

२ पेटो 2:1

हीना ईस्‍राएल्‍पाक्‍याई खोक्‍दु ॱङो़नस्‍येखेन शोक्‍पोक्‍या थो़न्‍गीन च्‍योक्‍रे, खीकी खोक्‍दुवाः ॱलोपो़न शोक्‍पोक्‍या थो़न्‍गीलाक। खुङक्‍याई ॱनो़ क्‍यागीन क्षो़ शोक्‍पोक्‍या साङवाला तो़न्‍गीलाक धेनी दे च्‍यीगा मेन्‍दा, खुङक्‍याला रीङगी ॱली़गीन चोवोलाः, खुङक्‍याई खेलेन मीझ्‍यीगीलाक। धेनी राङगी खाला तोरस्‍यीक ग्‍योवा खेरती हुङगीलाक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 3:8

ख्‍यी़ लेगाक्‍या ङाला स्‍येयेहो़क। तो़दाङ, ख्‍यी़ दोङदु सी़याः ग्‍याप ॱमीथुक्‍कीन, घो ङी पेरी श्‍याक हो़क। धेनी ख्‍यो़ला तोपस्‍युक च्‍यीमे हो़गीनगो ङाला स्‍येयेहो़क। घीहीन्‍ना ख्‍यी़ ङी कागो ॱरुङदुक धेनी ङी मीङ ॱमापादुक।