१ तीमोथेउ 5:21 - ॱलोवा

²¹ को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

१ तीमोथेउ 5:21 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

लुका 20:21

होझ्‍येरी खुङक्‍याई येशुला ॱनेवालाक, “ॱलोपो़न ला, खेराङगी सुङगीन धाङ ॱलापच्‍या ॱनाङगीनगो धेन्‍पा लाक धेनी खेराङ मीगी ङोदोङला तेरी ॱयेवा ॱमेचेदा, खेराङ को़न्‍क्षोकगी लामगो धेन्‍पा ॱलाप जेदालाक ॱनेरी हेक्‍याला स्‍येयेहो़क।

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

२ कोरीन्‍थुपा 5:16

होझ्‍येरी देने ॱहाला हेक्‍या सुलाः मीगी तादाङने ॱमेता। एम्‍मा मास्‍यीकाला हेक्‍याई मीगी तादाङने तेवालाक। धा देने ॱहाला, हेक्‍या खोङला हुरेझ्‍येरी ॱमेता।

१ थेसालोनीकेपा 5:27

दे यीक दे पी़न्‍दा घीरीगी दोङदु ढोक्‍रोझ्‍यी ॱनेरी, चोवोगी छेनने ङा कुलाहीन।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

२ तीमोथेउ 2:14

खुङक्‍याला देक्‍याई ढेन्‍सो़ ॱलोङ। मीला ॱमेफेन्‍गीन हीना ङेन्‍गीनक्‍याला ॱनो़ क्‍यागीन छीकक्‍याई कोरला, चो़लीङ माझ्‍यी ॱनेरी, को़न्‍क्षोकगी डुङदु ॱलापच्‍या तेर।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

युदा 1:6

धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।