१ तीमोथेउ 5:14 - ॱलोवा

¹⁴ होझ्‍येरी नाच्‍युङमा युक्‍जामाक्‍या ॱनामा लेन्‍दी टुवा के धेनी नाङ शीम्‍दी, डाला ॱना चेयेगी घुकाप ॱमेतेरयेला ङा दो़दीहो़क।

१ तीमोथेउ 5:14 Iomraidhean Croise

रोमापा 14:13

होझ्‍येरी होराङ च्‍यीकगी च्‍यीकला क्‍यो़न ॱमाचुक। हीना ॱयोल्‍ले राङगी पी़नगी लामला काक्‍दो याङना घाक्‍वा मीझ्‍युङगीन मीछे पी़येला थाक्‍चो़।

२ कोरीन्‍थुपा 11:12

हीना ङा धान्‍दा घी झ्‍यीगीनगो मी़थुने झ्‍येरी धेयेहीन। देरे झ्‍यीना, खुङक्‍याई लेगागो हीकी लेगा च्‍योक्‍रे ढाडा हीन ॱनेरी, ङोम्‍सो झ्‍यीयेला घुकाप चागीनक्‍याला काक्‍कीलाक।

१ तीमोथेउ 2:8

साज्‍या घीरीदु केवे-फोक्‍याई श्‍येताङ धाङ चो़पा ॱमालाङा, लाक्‍पा चाङमा याला क्‍याङदी ॱमो़लाम धेप्‍येला, ङा दो़दीहो़क।

१ तीमोथेउ 4:3

देरे मीक्‍याई ॱनामा लेन्‍ये मेतालाक धेनी शामा ॱना रीङगा शाये मेतालाक ॱनेरी ॱनागीलाक। हीना धेपा झ्‍यीगीनक्‍या धाङ धेन्‍पा ॱहाघोकीनक्‍याई काटीन्‍क्षे श्‍यी़री लेन्‍येला, को़न्‍क्षोकगी शामा देक्‍या को़ जेपालाक।

१ तीमोथेउ 5:11

हीना युक्‍जामा नाच्‍युङक्‍याला थो नाङदु ॱमाचुक घीझ्‍येरी ॱनाना खुङक्‍या मास्‍यीकाने डारी दो़छाकगी वाङदु डोना, ॱनामा लेन्‍येगी दो़पा झ्‍यीगीलाक।

१ तीमोथेउ 6:1

को़न्‍क्षोकगी छेन धाङ होरी ॱलापच्‍याला कुरवा मीझ्‍युङयेगी क्षीला, ढेन्‍योकगी ॱङ्यास्‍यीङ होकदु हो़गीन हो़लेगी, राङगी दाक्‍पोला ॱमीच्‍यीकी कुरती झ्‍येरी चीघो़।

तीतोस 2:5

साम्‍लो थोङा धाङ चाङमा धाङ नाङले झ्‍यीगीन धाङ सेम शाङपो धाङ ख्‍योवागी, खाला ङेन्‍पो झ्‍युङयेला ॱलाप्‍कीलाक। धेनी को़न्‍क्षोकगी काला ॱमेटा ॱमेपाप्‍कीलाक।

तीतोस 2:8

धाङ क्‍यो़न चुक ॱमीथुक्‍कीन लाब धेन्‍पा तो़न। देरे झ्‍यीना ख्‍यी़ ग्‍याप लोक्‍कीनक्‍याला ङोजा झ्‍युङालाक घीझ्‍येरी ॱनाना खुङक्‍याला होरी कोरला ङेन्‍पा ॱनाये घीया मेयोङालाक।

ईब्‍रीपा 13:4

मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।