१ तीमोथेउ 4:6 - ॱलोवा

⁶ ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।

१ तीमोथेउ 4:6 Iomraidhean Croise

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

लुका 1:3

ङीयाः होदे घीरी थोक्‍माने श्‍यीप्‍ता झ्‍येजा झ्‍येरी, खोङबा थेउफीलु लागी क्षीदु होदेगी कोरला, होदे धी़चो़ला च्‍यीकगी स्‍याबाने च्‍यीक झ्‍युजा च्‍योक्‍रे, ढीक्‍ये ढो़ झ्‍येवी।

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

रोमापा 15:15

हीना दो़न रीङगागी कोरला खेक्‍याला ढेन्‍सो़ ॱलाङयेगी क्षीदु, ङी ॱलोगोक क्षे झ्‍येरी ढीक हो़क। घीझ्‍येरी ॱनाना को़न्‍क्षोकगी ङाला ॱनाङना थुक्‍जे नी,

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

एफीसुपा 6:21

ङा घारे हो़गीन धाङ घी झ्‍यीगीनगो खेक्‍यागीया ॱहाघोरास्‍योक ॱनेरी, चेवे पी़न धाङ चोवो नाङ ॱलो का थुप्‍कीन श्‍याप्‍चीवा तुखीकोसगी खेक्‍याला लाब घीरी स्‍येगीलाक।

फीलीप्‍पीपा 2:20

घीझ्‍येरी ॱनाना खेक्‍याई दो़न्‍दु ॱङोन्‍ने सेम्‍डा झ्‍यीगीन, खो च्‍योक्‍रे ङीमुला श्‍येम्‍मा सुवाः मेक।

फीलीप्‍पीपा 2:22

हीना तीमोथेउ नी मी घारे च्‍यीक ले, ॱनेरी खेक्‍या स्‍येलालाक घीझ्‍येरी ॱनाना भीजा च्‍यीकगी राङगी आकीला श्‍याप्‍ची श्‍युगीन च्‍योक्‍रे, ताम्‍शाङगी लेगाला खी़ ङीमुला श्‍याप्‍ची श्‍यी़वालाक।

फीलीप्‍पीपा 3:16

धेनी को़न्‍क्षोकगी होराङला सावो ॱङो़न जेजागोला च्‍यीगा तेन्‍ती, होराङ मीछे पी़घो़।

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

कोलोसेपा 4:7

ङी ॱनेछु घीरी, खेक्‍याला तुखीकोसगी स्‍येगीलाक। खो नी, चेवे पी़न धाङ ॱलो का थुप्‍कीन श्‍याप्‍तोक्‍पा धाङ चोवोगी नाङ लेरोक च्‍यीक्‍पा लाक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ तीमोथेउ 1:10

लोक्‍येम्‍पाक्‍या धाङ फोला चो़गीन धेनी मी ढेन्‍योकला चोङगीन धाङ शोक स्‍येगीनक्‍या धेनी ॱना ॱमीचीगीन धाङ झ्‍यीलापचेनगी को़न्‍क्षोकगी, ङाला ॱनाङगीन शीजेचेनगी ताम्‍शाङगी तावा ढाङपोला ॱमीथी़न्‍गीन, घीरीगी क्षीला लाक।

१ तीमोथेउ 4:16

ख्‍यो़राङ धाङ ख्‍यो़री ॱलापच्‍याला शाप-शाप झ्‍येरी धो़क। देलाराङ तेन्‍पोमा ॱनेरे धो़क। देरे झ्‍यीना ख्‍यी़ राङ धाङ ख्‍यो़ला ङेन्‍गीन ॱङीगाराला क्‍योप्‍कीलाक।

१ तीमोथेउ 6:3

होरी चोवो येशु मास्‍यीकाई क्‍यो़न मेगीन, सुङ धाङ क्षो़सेमला थी़न्‍गीन ॱलापच्‍याक्‍याला खेमेलेन्‍दा, तावा श्‍येम्‍माक्‍या ॱलाप्‍ना,

२ तीमोथेउ 1:6

होझ्‍येरी ङी ख्‍यी़ खाला लाक्‍पा श्‍याक्‍ती, को़न्‍क्षोकने ख्‍यो़ला थोप्‍था ॱनाङज्‍यीनगी मे दे सो़री श्‍याक्‍येला, ङा ख्‍यो़ला ढेन्‍सो़ ॱलाङाहीन।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

२ तीमोथेउ 4:3

घीझ्‍येरी ॱनाना मीक्‍याई तावा ढाङतेनगी ॱलापच्‍याला ङेन्‍ङी मेदो़दा, राङगी ङेन्‍ङी दो़गीन लाबक्‍या धाङ राङगी थेगीन ॱलोपो़नक्‍या चायेगी धी़ स्‍यारकीलाक।

तीतोस 2:1

हीना ख्‍यो़, तावा ढाङपोला घी थी़न्‍दी, होदेगो स्‍यो़क।

१ पेटो 2:2

धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।

युदा 1:5

खेक्‍याई दे लाब घीरी एम्‍माने स्‍येहो़नाः, ङा खेक्‍याला याङ देक्‍या ढो़न्‍सो ॱलाङी दो़दीक। चोवोगी थेङ च्‍यीकला, एजेप युने राङगी मीक्‍याला थारतु च्‍युक्‍वा जेपालाक हीना स्‍याम्‍ला धेपा मीझ्‍यीगीनक्‍याला मेताला जेपालाक।