१ तीमोथेउ 4:10 - ॱलोवा

¹⁰ दो़न देगी क्षीला होराङक्‍या दुक्‍पु ङ्यारी काल्‍ले ग्‍यालाक। घीझ्‍येरी ॱनाना होरी रेवा सो़न्‍पो को़न्‍क्षोकला ॱनेलालाक। खोङबा नी, मी घीरी धाङ ॱमीक्‍सेदु धेपा झ्‍यीगीनक्‍याई क्‍याम्‍गो़न लाक।

१ तीमोथेउ 4:10 Iomraidhean Croise

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 27:43

खी़ को़न्‍क्षोकला ॱलोते झ्‍येरी, ‘ङा नी को़न्‍क्षोकगी से हीन।’ ॱनेरी ॱनालाक। धा को़न्‍क्षोकगी थुक ॱङेना, धान्‍दा खोला थारपा जेदास्‍योक।”

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

२ कोरीन्‍थुपा 1:10

खोङबागी हेक्‍याला हुरे जीक्‍टाक्षे ङेन्‍काने क्‍योप जेजुङ धेनी खोङगी हेक्‍याला याङ क्‍योप जेगीलाक, धेनी माउपारलाः खोङबागी हेक्‍याला क्‍योप जेगीलाक ॱनेरी हेक्‍याला रेवा हो़क।

१ तीमोथेउ 2:3

दे नी होरी क्‍याम्‍गो़न को़न्‍क्षोकगी चेनङारदु, शाङपो धाङ थुक्‍ङेउ दुक।

१ तीमोथेउ 2:4

खोङबागी थुकोङगो मी घीरी क्‍योप्‍ये धाङ धेन्‍पागी स्‍येयो़नला हुङये लाक।

१ तीमोथेउ 2:6

मी घीरीगी ली़रीनगी क्षीला राङला ॱलो़ ताङगीनगो लाक। दे नी, धी़ ताक-ताकला को़न्‍क्षोकगी ॱनाङगीन पाङपोगो लाक।

१ तीमोथेउ 3:15

हीना ङा फी राक्‍ना, खीकी सो़न्‍पो को़न्‍क्षोकगी नाङला च्‍यो़पा घारे झ्‍यीघोयेगो, स्‍येला झ्‍यीयेगी क्षीला ढीक्‍पी। नाङ दे नी, सो़न्‍पो को़न्‍क्षोकगी क्षो़छोक धाङ धेन्‍पा ॱङीगी कावा धाङ ॱमाङस्‍यी हीन।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

ईब्‍रीपा 11:26

खी़ माउपारगी ज्‍यागाला ॱमीक्‍ती, एजेप युगी तेर ले, मास्‍यीकागी क्षीदु दुक्‍पु ङ्याङयेगो ॱयोल्‍ले खाक्‍क्षे चीवालाक।

ईब्‍रीपा 13:13

धा होझ्‍येरी होराङक्‍या गारगी फीला डोउ धेनी खोङबागी ङ्याङङ्या ङोछागो होराङक्‍याः ङ्याङु।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ योहान्‍ना 2:2

खोङ नी होरी धीक्‍पाक्‍या सेल्‍येगी क्षीदु, धीकस्‍याकगी ॱमारछो़गो लाक धेनी होरी क्षीदु च्‍यीगा मेन्‍दा, जीक्‍तेन हो़लेगी धीक्‍पाक्‍याई क्षीदु लाक।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।