१ तीमोथेउ 3:8 - ॱलोवा

⁸ क्षो़छोकगी श्‍याप्‍तोक्‍पाक्‍या याराप धाङ खा ॱङी मेगीन धाङ क्षाङ माङा थुङङी मेदो़गीन धाङ ॱङुला ॱहाम्‍बा मीझ्‍यीगीन हुङघो़गीलाक।

१ तीमोथेउ 3:8 Iomraidhean Croise

रोमापा 3:13

“खुङक्‍याई मीक्‍पा नी, खा दाङदा धुरखाङ लाक, खुङक्‍याई च्‍येमोगी ॱयो़क्‍यु स्‍येदीक।” “डुगी दुकगो खुङक्‍याई खाला दुक।”

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

१ तीमोथेउ 3:12

क्षो़छोकगी श्‍याप्‍तोक्‍पागो केमी च्‍यीकगी ख्‍योवा हुङ घोगीलाक धेनी राङगी टुवाक्‍या धाङ नाङमीक्‍याला घामोमा क्‍योङगीन हुङ घोगीलाक।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 5:23

ख्‍यो़ थेङ माङा नागीन झ्‍येरी, ख्‍यी़ फोवा फेन्‍येगी क्षीला, क्षु च्‍यीगा मेन्‍दा घुन्‍क्षाङ तीते थुङ।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

तीतोस 2:3

होदे च्‍योक्‍रे घेमोक्‍याला धाम्‍पे मीजी पी़ धेनी ठामा ॱमास्‍ये धेनी क्षाङदो़मा माझ्‍युङ धेनी मी श्‍येम्‍माक्‍याला ॱलापच्‍या शाङपो तेर ॱनेरी स्‍यो़क।

याकोब 3:10

खा च्‍यीक्‍नेराङ तो़पा धाङ ॱमेमो ॱङीगारा थो़न्‍दालाक। ङी पी़नक्‍याओ, देरे नी हुङये मेगीन ची लाक।

१ पेटो 5:2

खेक्‍यागी लेगेनला ॱनाङना को़न्‍क्षोकगी लुकख्‍युला छोक्‍योङ झ्‍यी, मीगी उजुक झ्‍येरी मेन्‍दा हीना को़न्‍क्षोकगी थुकोङला तेन्‍ती राङगी थेती झ्‍यी। धेनी ग्‍युनोरला ङोम्‍दी मेन्‍दा हीना श्‍याप्‍तोक पुयेला, दो़पा झ्‍येरी छोक्‍योङ झ्‍यी।